影片
更多
2019-08-14
193 瀏覽
之前同事介紹過呢度，平時嚟都要等位，今日趁早收工就來試下。嚟到叫咗個冬蔭公鍋，最特別嘅地方係個湯底唔係成煲咁上，而係俾一生堆材料你自己去整，好有新鮮感。首先用和牛嘅脂肪係鍋上釋出油份，再加入香茅香料等去炒。炒完之後再加入蝦同埋魷魚。最後加入冬蔭公嘅湯，放埋配菜成個冬蔭公鍋就大功告成。配菜方面有好多選擇，蔬菜、菇、丸、麵。差不多有廿款。當中有好多係平時打邊爐食唔到。例如係Super food嘅羽衣金藍同埋蟲草花。我哋今次揀咗澳洲上級長期穀飼牛，一來就上咗牛舌、豬肉、穀飼牛各一碟。食冬蔭公鍋我推介食油麥菜同埋蘿蔔，因為佢好入味。肥牛方面，穀飼牛嘅紋理好靚，好少脂肪，食落去薄薄一塊好快就食得，而且少咗份罪惡感🤤飲品方面有十幾款，連可樂plus都有，正👍🏻如果想飲熱飲，旁邊都有香茅茶包可以沖。食到幾飽都好，都唔可以少咗甜品。自己整yogurt，想食幾多就整幾多，好多配料可以加上去，食完就真係好完滿。唯一要注意嘅係有限時90分鐘，如果係大胃王嘅話，可謂分秒必爭。預早制定政略會更開心🤣
首先用和牛嘅脂肪係鍋上釋出油份，再加入香茅香料等去炒。
炒完之後再加入蝦同埋魷魚。
最後加入冬蔭公嘅湯，放埋配菜成個冬蔭公鍋就大功告成。
配菜方面有好多選擇，蔬菜、菇、丸、麵。差不多有廿款。
當中有好多係平時打邊爐食唔到。例如係Super food嘅羽衣金藍同埋蟲草花。
我哋今次揀咗澳洲上級長期穀飼牛，一來就上咗牛舌、豬肉、穀飼牛各一碟。食冬蔭公鍋我推介食油麥菜同埋蘿蔔，因為佢好入味。
肥牛方面，穀飼牛嘅紋理好靚，好少脂肪，食落去薄薄一塊好快就食得，而且少咗份罪惡感🤤
飲品方面有十幾款，連可樂plus都有，正👍🏻
如果想飲熱飲，旁邊都有香茅茶包可以沖。
食到幾飽都好，都唔可以少咗甜品。自己整yogurt，想食幾多就整幾多，好多配料可以加上去，食完就真係好完滿。
唯一要注意嘅係有限時90分鐘，如果係大胃王嘅話，可謂分秒必爭。預早制定政略會更開心🤣
張貼
