花漾 (已結業)

🌜花漾🌛✨招牌新加坡大蝦喇沙摻摻喇沙湯底 椰香十足 少少辣 帶啲後勁摻摻 即係米粉加油麵 兩種口感米粉爽較掛湯 油麵彈牙大蝦 切左薄片 鮮味 爽彈魚蛋結實彈牙 另有半隻蛋豆卜索晒啲湯 好惹味芽菜爽脆好粗身 整體唔錯✨花漾海南雞飯海南雞 皮爽 但有啲部分有啲厚皮同肉中間有層薄薄啫喱狀肉質嫩滑 口感軟腍 有淡淡雞味 調味適中 相當唔錯油飯 飯粒分明 有啲雞油香 但食到最後略嫌有少少膩雞湯 鮮味 清甜 調味適中 整體味道唔錯 ✨參峇醬燒豬頸肉豬頸肉 燒到表面有啲焦香塊塊都好厚切 肉質爽中帶腍充滿油脂香 味道甜甜地 幾惹味✨斑蘭咖吔多士多士烘得香脆 咖吔香甜 帶斑蘭椰香再加埋塊鮮油 好邪惡但好味✨桔仔話梅冰桔仔清香 話梅味突出帶微鹹味道酸酸甜甜 好清新✨香茅青檸荔枝梳打香茅味唔算好突出 青檸味清新 帶淡淡荔枝香好清爽 味道偏淡食物唔錯 份量好足環境唔錯 以卡位為主 坐得舒適服務唔錯 價錢合理