Espresso Alchemy (海港城港威商場)

營業中

休息中

放假啦終於!!即刻約埋班FRIEND一齊行街SHOPPING，行到攰想搵間coffee shop坐下抖下，上網搵到呢間Espresso Alchemy，位於海港城港威商場，環境寬敞舒服，好IGABLE，一於試下先！青醬雞肉忌廉長通粉勁鍾意食青醬既我見到呢款青醬雞肉忌廉長通粉即刻心心眼，諗都唔諗就叫咗黎試！估唔到好有驚喜，即叫即製熱辣辣上枱，入口係好香濃順滑既青醬味，雞肉切成一片片好方便，質感嫩滑，一啲都唔鞋口，正啊！！長通粉煮得岩岩好，食落好煙韌而且仲好掛汁，個忌廉汁好濃滑，勁鍾意！虎蝦車厘茄意大利飯朋友仔揀咗個意大利飯，估唔到都好好食，面頭有大大隻虎蝦，入口好彈牙，大量細細粒既車厘茄，酸酸甜甜，夠哂開胃，意大利飯軟硬適中，正。生酮Tiramisu忌廉卷甜品都有生酮？NICE! 岩哂想減肥既朋友仔，Tiramisu香滑夠濕軟，濃厚咖啡香再夾雜軟滑忌廉，大愛～Milk Chocolate靚靚拉花既朱古力好岩打卡，入口香濃滑順。