影片
更多
2025-01-23
734 瀏覽
今日去咗尖沙咀THE ONE食日式鐵板燒，真係食到停唔到口，每道菜都好有水準，食材夠新鮮，真係好滿足！呢間係THE ONE樓上，可以幫到成個尖沙咀，如果夜晚黎食仲有靚夜景睇！今日叫左呢個秋冬宴會前菜安鱇魚肝、海鰻配海帶汁安鱇魚肝入口帶咗陣濃郁嘅海鮮味，唔會好油膩，好正！海鰻肉質嫩滑，配埋海帶汁酸中帶甜啱啱好，成個味道好有層次。甜蝦、赤身吞拿魚、油甘魚呢三款刺身真係正到爆，甜蝦超鮮甜，好有彈性；赤身吞拿魚就油脂適中，食落爽口又唔會太膩；油甘魚滑溜溜嘅口感，好滿足，三款刺身各有千秋，成碟好有水平。松葉蟹大根豆腐松葉蟹肉鮮甜多汁，配埋吸晒蟹汁嘅大根，味道清中帶濃，完全唔會搶味。中間夾左塊輕輕煎過既豆腐又滑又嫩，一啖一啖食落好舒服。立鱗燒配芒果醬呢道菜好有創意，燒到條魚皮脆卜卜，魚肉仲保持到嫩滑，配埋芒果醬嘅酸甜味，成個味道勁有層次，食完一舊唔係好夠喉燒大蝦配蜜糖山葵醬大蝦燒得岩岩好，蝦肉鮮甜彈牙，食落仲有啲鐵板燒味，蜜糖山葵醬嘅輕微甜味感，完全將隻蝦嘅味道提升咗一個層次！山椒汁牛肉薄燒牛肉切得啱啱好，燒得又嫩又香，肉味濃郁，中間夾左香蔥，如果中意仲可以夾埋炸蒜一齊食。雖然有配山椒汁，但我覺得
呢間係THE ONE樓上，可以幫到成個尖沙咀，如果夜晚黎食仲有靚夜景睇！
今日叫左呢個秋冬宴會
前菜安鱇魚肝、海鰻配海帶汁
安鱇魚肝入口帶咗陣濃郁嘅海鮮味，唔會好油膩，好正！海鰻肉質嫩滑，配埋海帶汁酸中帶甜啱啱好，成個味道好有層次。
甜蝦、赤身吞拿魚、油甘魚
呢三款刺身真係正到爆，甜蝦超鮮甜，好有彈性；赤身吞拿魚就油脂適中，食落爽口又唔會太膩；油甘魚滑溜溜嘅口感，好滿足，三款刺身各有千秋，成碟好有水平。
松葉蟹大根豆腐
松葉蟹肉鮮甜多汁，配埋吸晒蟹汁嘅大根，味道清中帶濃，完全唔會搶味。中間夾左塊輕輕煎過既豆腐又滑又嫩，一啖一啖食落好舒服。
立鱗燒配芒果醬
呢道菜好有創意，燒到條魚皮脆卜卜，魚肉仲保持到嫩滑，配埋芒果醬嘅酸甜味，成個味道勁有層次，食完一舊唔係好夠喉
燒大蝦配蜜糖山葵醬
大蝦燒得岩岩好，蝦肉鮮甜彈牙，食落仲有啲鐵板燒味，蜜糖山葵醬嘅輕微甜味感，完全將隻蝦嘅味道提升咗一個層次！
山椒汁牛肉薄燒
牛肉切得啱啱好，燒得又嫩又香，肉味濃郁，中間夾左香蔥，如果中意仲可以夾埋炸蒜一齊食。雖然有配山椒汁，但我覺得已經調味得好夠好出牛味可以唔點都得，呢個牛薄燒絕對係今晚嘅亮點之一。
36個月伊比利亞火腿炒飯
火腿嘅鹹香令到成個炒飯好夠味道，而且中間加入咗勁多炒蛋好香，炒得亦好乾身。
最後當然唔少得意試下佢啲cocktail
citrus maxima似係高配版嘅old fashioned，係用咗brandy做基酒，再加入咗梅酒，飲落後勁有啲梅味好有特色
張貼
