影片
更多
2023-11-02
20 瀏覽
上星期帶左呀媽去擁有高層靚景既瀧宴日本料理食鐵板燒，餐廳景致一流，野食質素亦都好唔錯😋餐廳有2個吧枱 ，大既可以坐到10人，細吧枱就5人，另外有普通4人，6人，8人枱。我哋當然揀咗坐吧枱，可以睇住師傅一路整嘢食啦。當晚嗌左個好抵食嘅套餐，就係瀧宴歐陸美食晚餐，原價$1380，而家只需一人$880就有成11樣野食！🍽️🍽️🍽️✨自家製醬汁煮南非鮑魚鮑魚煮到好入味，個汁甜甜地，口感腍得來帶少少煙韌，另外可配紫菜粉同七味粉食。✨海鮮茶碗蒸茶碗蒸配蟹肉同菇，蛋香十足口感滑捊捊。✨西班牙白松露鯛魚薄切一上枱已經聞到個松露油味，鯛魚肉質細膩，配淡雪鹽帶微微咸味，蘿蔔苗就帶少少辛辣，但我最鍾意都係紫蘇葉既特殊香味。✨西班牙金鎗魚腩手卷呢個唔係用紫菜包黎食，係用底下塊餅裝住拖羅蓉，上面係七彩芝麻同蔥，可以連埋紫蘇葉一齊食。✨澳洲龍蝦龍蝦膏真係每嚿龍蝦肉都好新鮮彈牙，龍蝦膏好濃郁，呢道菜係我當晚嘅最愛😋✨法國諾曼第帶子海苔汁 帶子新鮮飽滿啖啖肉，配清淡嘅海苔汁唔會蓋過咗個鮮味。✨美國頂級牛柳呢個有得揀牛同豬，我哋兩個都揀咗牛，一個薄燒一個厚燒。薄燒嗰個捲咗好多蔥，厚燒嗰個可以配蒜片一齊食。✨季節濃魚湯淮山魚湯
餐廳有2個吧枱 ，大既可以坐到10人，細吧枱就5人，另外有普通4人，6人，8人枱。我哋當然揀咗坐吧枱，可以睇住師傅一路整嘢食啦。
當晚嗌左個好抵食嘅套餐，就係瀧宴歐陸美食晚餐，原價$1380，而家只需一人$880就有成11樣野食！
🍽️🍽️🍽️
✨自家製醬汁煮南非鮑魚
鮑魚煮到好入味，個汁甜甜地，口感腍得來帶少少煙韌，另外可配紫菜粉同七味粉食。
✨海鮮茶碗蒸
茶碗蒸配蟹肉同菇，蛋香十足口感滑捊捊。
✨西班牙白松露鯛魚薄切
一上枱已經聞到個松露油味，鯛魚肉質細膩，配淡雪鹽帶微微咸味，蘿蔔苗就帶少少辛辣，但我最鍾意都係紫蘇葉既特殊香味。
✨西班牙金鎗魚腩手卷
呢個唔係用紫菜包黎食，係用底下塊餅裝住拖羅蓉，上面係七彩芝麻同蔥，可以連埋紫蘇葉一齊食。
✨澳洲龍蝦龍蝦膏
真係每嚿龍蝦肉都好新鮮彈牙，龍蝦膏好濃郁，呢道菜係我當晚嘅最愛😋
✨法國諾曼第帶子海苔汁
帶子新鮮飽滿啖啖肉，配清淡嘅海苔汁唔會蓋過咗個鮮味。
✨美國頂級牛柳
呢個有得揀牛同豬，我哋兩個都揀咗牛，一個薄燒一個厚燒。薄燒嗰個捲咗好多蔥，厚燒嗰個可以配蒜片一齊食。
✨季節濃魚湯淮山
魚湯無魚腥味，但味道略嫌唔夠濃。
✨丹麥煙肉香蒜炒飯
炒飯粒粒分明，有煙肉嘅鹹香再加蒜香。
✨炒什菜
我好鍾意食芽菜，配自家製炸蒜醬更惹味。
✨是日精選甜品
檸檬蛋糕，食落酸酸甜甜帶粒粒檸檬皮。
張貼
