Sky726

今晚早左收工，諗起旺角有間好評幾多嘅西餐廳，於是就去chill 下。餐廳整體環境都好靚，天花板有好多小燈炮做裝飾，仲有坐近窗邊可以由高層望落旺角大街，大概六點到都仲可以睇到日落，到左夜晚就可以由高處望落去睇鬧市嘅夜景。落左order之後，就會先送上餐包，餐包都係微暖，入面都係軟熟，係幾好食👍🏻我叫左南瓜蟹肉忌廉湯，打得幼滑，南瓜味好濃，仲見到都多蟹肉嘅湯上面，飲落口嘅感覺都好match主菜叫左慢煮黑毛豬鞍扒配意大利黑醋汁及牛肝菌醬，上菜時都見到黑毛豬鞍扒係好幼嫩同埋有格網紋，切開時入面仲有少少紅，食落質感唔會過硬，慢煮鎖著啲汁係肉入面，咬落口都juicy，底仲有啲菇類吸收啲汁飲品就叫左choco chip，濃郁朱古力味，加埋層cream係上面，入面仲有好多蜜糖星星。整體黎講，呢間餐廳環境一流，出品性價比高，值得再去。