陳儀興玫瑰餐廳

營業中

休息中

呢排天氣非常悶熱，所以選左個消暑冬瓜盅（記得提早預約）$248的價錢有4隻鮑魚、4條花膠同4條海蔘，佢的鮑魚唔會令人失望，同第一次食的時候一樣彈牙新鮮，花膠同海蔘雖然細細條，但勝在真材實料，唔係扮花膠。另外冬瓜清甜消暑，配埋個雞湯底，我地2個人都食哂成個冬瓜。招牌手切肥牛（細$208），條條牛塊花紋相當靚，睇得出好新鮮，食落好有牛味，肥瘦得宜。鬼馬墨魚膠8件（$98），油炸鬼魚膠，之前食過有d餐廳小食熟上，第一次試呢個放入鍋底，開初怕會淋哂，但食落又唔錯，墨魚膠新鮮，油炸鬼香，口感豐富。炸魚皮（$57）喜出望外，原來咁好食！新鮮滾熱辣，炸到脆卜卜，可以即食的小食，仲要條條都好大條，仲要原來係咸蛋皇炸魚皮，一定要食！手包松露雜菌餃（$53）八大粒，入面的菇菌切到細細粒，好有咬口，中意食菇類的唔好錯過。另外，仲有鮮魚腩（$62）有6條大大條，夠鮮嫩蜂巢豆腐（$42）份量大，吸汁好食皇帝菜（$36）新鮮。