一喜車仔麵

營業中

休息中

係尖沙咀行完街，去到重慶大廈搵野食，竟然見到呢間車仔麵，記得食過土瓜灣分店，老闆夫婦二人都好友善熱情，野食更加無得頂，當然要再幫襯一次啦。生菜魚肉$30童年回憶，魚肉每日即打，夠哂彈牙，長長幼條魚味滿滿，份量又多，湯底味道適中，碗滿胡椒粉無得輸。上湯鴛鴦餃$35分別係3粒韭菜餃同4粒菜肉餃，餃子皮薄，細細粒，一啖食落口岩岩好，餡料好足。生炸潮汕三寶$39三寶分別係馬鮫豬肉丸、深海墨魚丸同尤魚丸。全部真材實料，見到粒粒魚肉，即叫即炸，新鮮熱辣，好彈牙，外層炸得香脆，但內裏仍保持鮮嫩肉汁，唔會好乾身鞋口，唔錯唔錯。自選車仔麵就揀左魚腐、酸齋、韭菜、瑞士汁雞中翼、咖哩魷魚油麵沙嗲汁（$89）。魚腐索哂沙汁好入味，瑞士雞翼好大隻，肉嫩入味，完全冇雪味，咖哩魷魚微辣，夠哂惹味，又夠爽口，沙嗲湯底花生味重，唔會太辣，同油麵簡直係絕配。另外叫左碗蘿白、咖哩魚旦、冬菇、菜芯同生炸豬扒咖喱汁（$73），蘿蔔同冬菇超甜超好食！完全冇渣，值得一讚。咖啡魚旦大大粒，都夠彈牙，唔算太辣，另一樣值得一讚係生炸豬排，好香脆但完全唔硬，一咬就開，而且好大塊，食肉獸岩哂。📌一喜車仔麵地址：尖沙咀彌敦道36-44號重慶大