嘆甜品

營業中

休息中

早食完飯有個好處，就係可以早啲搵甜品食😍😍，眼見隔離兩餸飯嗰條人龍仲好長，我已經食緊甜品，唔使同人迫幾好~🔘香芒蜜語 $48鍾意芒果嘅我見到呢個甜品即刻心心眼，除咗有芒果肉，仲有牛奶布甸、芒果牛奶、椰果同芒果雪糕等等，最鍾意食到牛奶布甸，其次就係個雪糕，芒果都幾鮮甜，滿足左想食芒果嘅慾望~🔘鮮果飄雪 $62顏色非常繽紛，係類似拉麵碗咁嘅size非常大，見到已經想食，牛奶雪花冰口感軟綿綿，食到有奶味，最邪惡嘅係成枝煉奶俾你任加，少啲定力都搞唔掂，加咗又真係好味啲嘅🤣🤣，有六款生果咁多全部都幾新鮮，加埋士多啤梨雪糕，夏天食佢真係好正，透心涼~