影片
電話號碼
36197598
營業時間
今日營業
15:00 - 00:00
星期一至日
15:00 - 00:00
以上資料只供參考, 請與餐廳確認詳情
屯門食甜品一定會諗起嘆甜品，今個月仲新出咗開心果窩夫、開心果西米露同開心果雷沙湯丸！身為開心果控梗係要試吓啦🤩！除咗有中式同西式甜品之外，仲有多款小食提供，真係可以甜品店做晚餐呀！🧇開心果奶蓋窩夫 轉開心果雪糕 $75+$2鬆軟嘅窩夫配上濃郁嘅開心果奶蓋，加上一球開心果雪糕，食到雙重開心果滋味！仲有一碗奶凍粒粒，口感滑順，感覺好似有兩個甜品咁，更加抵食🤣！🍮凍焦糖布甸椰皇 加雪燕 $62+$8凍焦糖布甸椰皇加雪燕口感滑順，唔會太甜，焦糖醬味道好清新，同布甸好夾😋！而椰皇椰香味濃，仲好light好refreshing! 雪燕又好Q彈，加入去一齊食好有層次感，整體味道口感一流！🥣楊枝金露 加雪燕 $39 +$8楊枝金露加雪燕，真係份量十足！西米大大粒，彈牙煙韌，仲有豐富嘅芒果粒，帶出香甜味道！柚子微酸令人開胃，配埋滑順嘅雪燕，令整體清甜爽口。🍹是日特飲 藍天白雲 $18飲品嘅分層好靚，荔枝味乳酸香甜清爽，上面吱咗鮮忌廉，望落去好夢幻嘅感覺。🧆鹽酥花枝丸 $18/4粒花枝丸即炸熱辣辣，外層微脆，非常彈牙而且入面有好多墨魚粒粒，好有口感。配上泰式辣醬食，甜甜辣辣更加惹味。🍗BBQ蜜糖雞翼 $18/3隻炸得好香脆，外脆內軟，蜜糖均勻入味，令人想食完一隻接一隻😍！🍗瑞士汁雞翼 $18/3隻煮得好入味，肉嫩唔鞋口。📍 嘆甜品 屯門青菱徑3號東威閣地下G02號舖
繼續閱讀
同閨蜜一齊食甜品，打開餐廳見到我既最愛開果口味既甜品，已經心心眼。嘆甜品小店裡既甜品味道好多，丹麥吐司、窩夫、甜品餐，而且打卡好靚。開心果味道係小店限定甜品，我地點了開心果味擂沙湯丸，點綴了爽脆開心果碎，餡料可選黑芝麻味或花生味，黑芝麻味好正呀，湯丸口感軟糯，一定要襯熱食。焦糖脆脆香蕉鮮忌廉窩夫，窩夫有濃郁雞蛋香氣，配搭焦糖脆脆更香口爽脆，加入一整排香蕉，配埋特色雪糕～仲可以揀開心果味雪糕，真喺心意滿足。 另一款榴槤忘返都好吸引，榴槤蓉好多，加入榴槤味雪糕、椰果、同西米露，so yummy。多款小食: 有BBQ 蜜糖雞翼，雞皮焦香，食落有蜜糖既香甜，好滋味呀。鹽酥花枝丸，花枝丸爽脆彈牙，帶淮鹽既香氣。瑞士汁雞翼撈丁同芝士撈丁配特色小食，原味椒鹽炸薯條等等。點了兩款飲品，金桔百香果茶，加入大量清甜百香果，清甜潤喉。另一款益力多乳酸，帶益力多味道，好喝。嘆甜品地址：屯門青菱徑3號東威閣地下G02號舖
繼續閱讀
📍「嘆甜品」- 屯門屯門虹橋不嬲都出名多野食架啦，今次經過人氣高嘅「嘆甜品」，見到好多甜品都好吸引咁，仲有人氣大熱嘅開果甜品🤩🤩🤩一於試試佢😎📷 餐廳位於屯門輕鐵站景峰站附近，唔多近西鐵站，要去兆康站轉一轉輕鐵😗裝廳室外光線充足，好多貓貓嘅佈置好可愛，Staff嘅服務都幾好😙🍴宇治抹茶配烏龍茶麻糬窩夫💰HK$72✨推薦指數：8/10一份有8️⃣塊🧇，抺茶味同烏龍茶中間帶住麻糬，每個角都放上唔同配料，分別係紅豆、雪糕、忌廉同煉奶，色彩豐富賣相吸引🤩食落窩夫外皮小小脆，中間偏煙靭入邊有少少拉絲嘅麻糬，不過份量就比較少😗抹茶味嘅窩夫係相對比較甜，烏龍茶味就相對較淡甜度較低😗配上大大粒香甜紅豆幾夾😇雪糕方面揀咗開心果雪糕，口感都幾滑，開心果味適中，唔錯😝整體嚟講份窩夫真係好大份，性價比幾高😝🍴桃膠雪燕椰皇(走椰汁加三色芋圓）♨️💰HK$58 + HK$6✨推薦指數：8.5/10原隻椰子🥥上夠哂吸晴🤩入面係滿滿嘅蛋白，雪燕桃膠同三色芋圓係另上，可以根據自己需要落🤗食落蛋白幾滑，椰子熟度岩岩好夠軟身香甜，桃膠雪燕份量都幾多有咬口，連埋一齊食好夾好滋潤養顏😗三色芋圓就硬身咗少少，不過份量都多，係養生健康之選👍🏻🍴開心果西米露❄️💰HK$38✨推薦指數：7.5/10作為開心果控嘅👧🏻梗係要試試佢啦！開心果西米露呈鮮綠色，另外配上開心果碎增添香味同口感，食落開心果味唔算好濃郁，西米份量幾多，如果開心果味再重啲會更好😆🍴芝士撈丁配特色雞翼及飲品💰HK$45✨推薦指數：7.5/10👦🏻唔係甜品愛好者，所以嗌返啲鹹食俾佢😂芝士撈丁賣光好靚，大大塊芝士鋪面，仲配有3️⃣隻漲卜卜嘅雞翼😇食落丁麵丁麵唔會痴埋一餅餅，加上會拉絲嘅芝士🧀幾惹味，不過芝士味可以再濃啲就更正😝今次揀咗藤椒麻辣口味嘅雞翼，食落外皮好香脆，入面都幾juicy 熱辣辣，不過鹹咗少少🤏🏻芒果乳酸就正常發揮😗🍴港式懷舊咖喱三寶💰HK$32✨推薦指數：7.5/10知唔知係邊三寶呢❓其實就係魚蛋、豬皮同蘿蔔😎咖喱汁甜甜辣辣幾惹味，魚蛋幾彈牙，豬皮好吸汁好大塊😋蘿蔔大大夠不過唔係好夠甜，再淋啲入味啲就好😗🍴蒜味鹽焗雞腎💰HK$26✨推薦指數：8/10估唔到都大份，雞腎大大舊好有口感，食落幾入味帶點微辣，有少少似B仔雞翼尖味，好食😋
繼續閱讀
🎄聖誕假最後一日，點都要食返個窩夫雪糕先為假期畫上句號🍨位於屯門虹橋嘅嘆甜品係我心目中Top 3既糖水店，店舖乾淨企理，除咗精緻嘅甜品之外仲有鹹食，今日直接skip咗個lunch，留返個肚去嘆吓甜品啦😋☃️❄️秋冬限定：開心果西米露✨粒粒開心果真係食極都唔厭啊！開心果果香味濃，伴隨西米露同開心果碎，令到個口感非常配搭✨岩鹽拖肥Oreo鮮忌廉窩夫要大力推介呢間小店嘅窩夫🥰烤得香脆入面非常鬆軟😋岩鹽咸香撞上濃郁柔滑既拖肥漿，再配上忌廉入口即溶香氣四溢✨D24榴連蘆薈小丸子期待咗呢個榴槤甜品好耐😍超大舊嘅榴槤蓉味道又非常濃郁，配上清爽嘅蘆薈同柔滑嘅小丸子，真係好快就食晒呀✨下午茶麵餐🍗🍜🐣（滷水雞翼配芝士撈公仔麵）因為冇食午飯嘅關係，但係又要留肚食甜品，所以叫得輕盈少少，滷水雞翼好入味，芝士份量都好夠撈落公仔麵，必定係大人小朋友嘅至愛✨和風飄雪❄️牛奶雪花冰淋上甜煉奶，配以麻糬•紅豆．瑪莉餅•黃豆粉•呍呢嗱雪糕😍日式風格嘅甜品冰凍嘅雪花冰淇淋吃落口令人心花怒放🥰✨黑糖五寶芋圓涼粉由三色芋圓，桃膠，薏米，西米，黑糖，蜂蜜水晶，涼粉加入椰汁組成嘅豐富組合～芋圓香滑煙靭，成個涼粉非常滋補，每一啖都具備份量，非常滿足嘆甜品
繼續閱讀
去朋友屋企等開party附近行吓食返個Tea, 去咗街坊人氣🍨🧇甜品小店「嘆甜品」 ‼️嘩，真係高手在民間，甜品款式好多花款，中西糖水精緻甜品窩夫等樣樣有而且價錢好平🤩唔止咁仲有好多炸物小食台式同港式都有，估唔到廚房細細人少少都好高效率. 餐廳用貓做主題好治癒，半開放式廚房感覺乾淨企理. ⭐️三寶椰皇冬日暖胃養生之選. 椰皇鮮奶蛋白口感順滑入口溶化，好養顏啊. 另配有一碗雜錦小丸子，既有湯圓，又有芋圓，煙煙韌靭好滿足. ⭐️黑芝麻飄雪棉密牛奶雪花冰面鋪滿黑芝麻粉，紅豆、杏仁片，好香又有營養，呢種食法坊間比較少見. 加上煉奶，味道更香甜好味. ⭐️開心果奶蓋窩夫厚厚鬆軟窩夫淋滿幼滑香濃開心果奶蓋仲有開心果碎碎，口感豐富. 伴碟有個大朱古力雪糕球，冷熱交替刺激味蕾. 旁邊仲有豆腐粒、奶油. 同類型甜品真係未試過咁豐盛大份. 另外跟配咗個果瀼蜜桃烏龍茶清香解膩. ⭐️黑牛香港人嘅經典，大大個雲呢拿雪糕球加入可樂，再加上七彩繽紛糖果粒，好有兒時嘅味道. ⭐️藤麻辣雞翼估唔到甜品店嘅鹹點可以咁出色. 呢個雞翼炸得好好，皮脆肉嫩，藤椒調味好惹味. 好想encore, 下次一定要試埋其他炸物小食. 去開屯門記得試吓呢間咁全能又抵食嘅小店喇.
繼續閱讀