摩登堂 (荃灣廣場) (已結業)

今日同朋友慶祝佢生日，因為佢好鍾意食泰國菜，就帶左佢去荃灣呢間泰式餐廳食飯，一去到門口就見到好多人排隊，睇黎人氣好高，入到去見到menu都幾吸引，睇性價比幾高🙆🏻‍♀️首先，點左冬陰功紅蝦湯，2位用黎講份量都幾多，湯辣得黎好過癮，應該落左好多香料，所以好惹味，紅蝦大隻又嫩。🦐我地仲點左手工無骨海南雞 (半隻)，雞肉好嫩滑，去掉骨食落好方便，點埋醬料之後更加美味。🐓之後，我地點左曼谷醉貓炒金邊粉，炒得非常乾身，上面有啲蛋絲，超大隻蝦好吸睛，仲有洋蔥、肉碎等配料。🍝最後，點左泰國奶茶雪山刨冰船，泰式奶茶好濃又好甜，入面有超多珍珠、水晶、益力多珠珠，旁邊有啲多士，上面仲有奶蓋，賣相超吸引。🧋