影片
更多
2024-07-08
111 瀏覽
師傅十分建談，唔係R水吹果款，有資訊性又有趣，全晚互動氣氛十分好。每道菜睇得出師傅用心調製，擺盤有心機，師傅仲留意到我用左手揸筷子，擺盤方向會同其他右手食客唔到，十分細心。整晚用餐節奏十分舒服，分量十足，100%值得向朋友推薦！頭盤:海膽配海雲，酸酸甜甜，好開胃，好食!黑豆，甜甜的，口感粉糯☺️☺️蟹仔，整晚最難忘，外殼脆，味道鮮，咬落口仲有香濃嘅蟹膏，第一次食到咁特別咁新鮮可以成隻食嘅蟹仔，體驗同味道都一百分💯湯:湯口味道清甜，中間有大塊魚肉爽脆，再配上一片柑桔，令成個湯味道更加清爽。湯裡亦有幾條海植物(又唔記得左名字)，植物梗上裹著一團好像啫哩咁嘅純天然食材，口感十分特別🥳刺身配上紫蘇花 味道十分清香 魚嘅鮮味更加突出蝦一食落口就痴牙糖糯，唔洗點豉油就已經超級好食！金目鯛爽口彈牙，有鮮味💛💛炸魚仔酥脆，送酒一流，值得推薦。赤貝爽脆鮮味八爪魚吸盤爽脆到極致，口感一試難忘。味道鮮甜，又一值得難忘之菜式。即開紫海膽🩵🩵十分新鮮，礦物味重，一試難忘蚌份量十足，爽甜鮮味。炸白栗米白栗米季節當造清甜有水份，不用任何調味已經好吃～炸蝦丸🍤全晚第二難忘嘅料理，蝦丸咬落口好似食緊梳乎里一樣，空氣感十足，
師傅十分建談，唔係R水吹果款，有資訊性又有趣，全晚互動氣氛十分好。
每道菜睇得出師傅用心調製，擺盤有心機，師傅仲留意到我用左手揸筷子，擺盤方向會同其他右手食客唔到，十分細心。
整晚用餐節奏十分舒服，分量十足，100%值得向朋友推薦！
頭盤:
海膽配海雲，酸酸甜甜，好開胃，好食!
黑豆，甜甜的，口感粉糯☺️☺️
蟹仔，整晚最難忘，外殼脆，味道鮮，咬落口仲有香濃嘅蟹膏，第一次食到咁特別咁新鮮可以成隻食嘅蟹仔，體驗同味道都一百分💯
湯:
湯口味道清甜，中間有大塊魚肉爽脆，再配上一片柑桔，令成個湯味道更加清爽。湯裡亦有幾條海植物(又唔記得左名字)，植物梗上裹著一團好像啫哩咁嘅純天然食材，口感十分特別🥳
刺身
配上紫蘇花 味道十分清香 魚嘅鮮味更加突出
蝦一食落口就痴牙糖糯，唔洗點豉油就已經超級好食！
金目鯛爽口彈牙，有鮮味💛💛
炸魚仔酥脆，送酒一流，值得推薦。
赤貝爽脆鮮味
八爪魚
吸盤爽脆到極致，口感一試難忘。味道鮮甜，又一值得難忘之菜式。
即開紫海膽🩵🩵
十分新鮮，礦物味重，一試難忘
蚌
份量十足，爽甜鮮味。
炸白栗米
白栗米季節當造清甜有水份，不用任何調味已經好吃～
炸蝦丸🍤
全晚第二難忘嘅料理，蝦丸咬落口好似食緊梳乎里一樣，空氣感十足，但又有濃濃鮮蝦味湧出，坊間少見之作。
壽司🍣
白身魚、池魚，油香十分豐富，壽司中最喜愛。
帆立貝，大粒新鮮鮮甜。
魷魚，鮮甜軟糯唔痴牙。
鯖魚，魚味濃郁。
中拖羅 入口即溶，魚味豐富
大拖羅 無筋 入口即溶，魚油超級豐盈
小拖羅 有驚喜，魚味超級豐富
板海膽 師傅無留手海膽份量爆棚，鮮味十足，有驚喜。
味噌湯，味道均衡，伴有魚肉海帶香蔥
甜品 生果
熱情果芝士蛋糕 酸酸甜甜 芝士味突出 難忘料理之一🤤🤤
密瓜 甜度高 無得彈！
張貼
