影片
更多
2018-06-26
924 瀏覽
國際會展唔好再寫雞脾喇，唔係脾氣、唔係脾臟，係雞髀！從骨字部，髀肉。凍齋啡走甜，茶記味道，夠甘夠苦，正常。無飲管既？見侍應阿姐明明成紮飲管插係籮柚度架喎。環顧四周，發現大多數食客都無飲管，即刻明白晒﹗原來走飲管，無問題，我直接飲就可以，支持。腸仔太陽蛋沙嗲牛肉出前一丁，太陽蛋可能由廚部煮理，跟水吧煮麵分開呢，所以一早送到，而湯麵就等多 5 分鐘，我習慣要等齊一家團聚先會開始食。太陽蛋，蛋白嫩滑，邊位焦香微脆，蛋黃味道甘甜濃厚黏滑，吉穿讓蛋漿掛在麵條上大啖啜，美味絕倫。腸仔居然用上高質熱狗腸，肉味特別香甜濃郁，不腥不嗅無怪味，硬淨有咬口，好食好食。可以再熱一點就更正，如果炸一炸更開心！牛肉全熟結實不韌不硬，保有少許滑溜感，撈埋甜甜香香不辣的沙嗲汁，醒腦開胃滿足滿足。師傅您返來喇？相隔 7 年終於食到以前港灣米芝連的丁麵味道﹗即煮熱騰騰優質丁麵，爽彈幼滑。湯汁已滲入每條麵條之中，泛出耀眼的淺啡色，每淡濃郁可口美味無比。掛上清香沙嗲汁捲埋牛肉淋上香辣辣椒油，更是如虎添翼，十個讚無甩拖，食多碗都厭唔夠喉。估計食物質素突然提升，事因生意淡薄，樂得清閒，丁麵無需煮定，不再粗製濫造馬馬虎虎，腍劈劈煮
凍齋啡走甜，茶記味道，夠甘夠苦，正常。無飲管既？見侍應阿姐明明成紮飲管插係籮柚度架喎。
環顧四周，發現大多數食客都無飲管，即刻明白晒﹗原來走飲管，無問題，我直接飲就可以，支持。
腸仔太陽蛋沙嗲牛肉出前一丁，太陽蛋可能由廚部煮理，跟水吧煮麵分開呢，所以一早送到，而湯麵就等多 5 分鐘，我習慣要等齊一家團聚先會開始食。
太陽蛋，蛋白嫩滑，邊位焦香微脆，蛋黃味道甘甜濃厚黏滑，吉穿讓蛋漿掛在麵條上大啖啜，美味絕倫。腸仔居然用上高質熱狗腸，肉味特別香甜濃郁，不腥不嗅無怪味，硬淨有咬口，好食好食。可以再熱一點就更正，如果炸一炸更開心！
牛肉全熟結實不韌不硬，保有少許滑溜感，撈埋甜甜香香不辣的沙嗲汁，醒腦開胃滿足滿足。
師傅您返來喇？相隔 7 年終於食到以前港灣米芝連的丁麵味道﹗即煮熱騰騰優質丁麵，爽彈幼滑。湯汁已滲入每條麵條之中，泛出耀眼的淺啡色，每淡濃郁可口美味無比。
掛上清香沙嗲汁捲埋牛肉淋上香辣辣椒油，更是如虎添翼，十個讚無甩拖，食多碗都厭唔夠喉。
估計食物質素突然提升，事因生意淡薄，樂得清閒，丁麵無需煮定，不再粗製濫造馬馬虎虎，腍劈劈煮定麵條倒入微暖淡茂茂湯汁，難食得可憐﹗
火腿太陽蛋出前一丁，火腿有 heart 煎過，微微金黃，特別香口味濃，不是求其掉落碗麵就算，非常好。
皮蛋瘦肉粥走蔥，沒有任何期望，居然又幾好食喎衰鬼！粥水系不棉不黏無爆花，清爽質地而肉味香濃，皮蛋黃甘香幼滑，黏黃爽皮搭甜粥，好食！
豉油皇炒麵，外觀麻麻地，其貌不揚。望落麵條似發脹，食落有點濕及腍左一點點，合格的微微豉油咸香。浸粥大大啖食更和味，皮蛋瘦肉炒麵無得頂！
凍齋啡走甜
43 瀏覽
0 讚好
0 留言
腸仔太陽蛋沙嗲牛肉出前一丁
25 瀏覽
0 讚好
0 留言
火腿太陽蛋出前一丁
43 瀏覽
0 讚好
0 留言
辣椒油
14 瀏覽
0 讚好
0 留言
皮蛋瘦肉粥走蔥
32 瀏覽
0 讚好
0 留言
豉油皇炒麵
34 瀏覽
0 讚好
0 留言
張貼
