小曼谷泰國美食 (已搬遷) 新店位置

朋友想食泰菜，梗係去九龍城南角道既小曼谷食番個晚餐啦！我地6點去到都已經8成坐滿，我地睇完menu就叫左明爐蒸烏頭（$168）；因大家都鍾意食魚，魚肉都厚身好鮮甜嫩滑，佢有個火慶住熱辣辣咁食到，仲可以點個醬汁，帶有少許酸味同微辣味胃口大開，食到咁試上下仲有多碗魚湯比你倒落條魚度！👍泰皇咖哩法包軟殻蟹（$158）；大大個法包內裝滿咖哩配青椒、洋蔥等，可以先切一舊仔既法包再點咖哩汁，好香滑好正，岩晒唔食得太辣既我，軟殻蟹好脆口，都多肉，再點埋咖哩汁一齊食更加滋味！泰式炒金邊粉（$79），招牌泰式炒法，加d 檸檬汁係面，撈埋花生碎芽菜一齊食很有咬口，不過就得3隻大蝦🍤，少左dd,不過都很爽口彈牙，金邊粉都炒得很有穫氣，唔會一夾就斷！最後叫埋個椰青（$37）及椰皇波波（$35），好香甜，清一下熱氣，而且食埋d 椰肉都滑口，讚！👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊