金鶴拉麵 (蜆殼街)

營業中

休息中

今日下午茶想食full啲，於是去咗附近食拉麵。呢間出名雞白湯拉麵，見到佢有2-4人餐，一行二人嘅我哋諗都唔諗就叫咗二人餐： 包 2碗拉麵、二款小食、二罐飲品（$256）。《金鶴雞白湯拉麵 》雞白湯拉麵會係不二之選，雞嘅精華都盡在湯中，飲落唔油膩，夠清又香濃。慢煮日本薩摩赤雞胸肉好嫩滑，本黑豚叉燒薄身唔韌；日本溏心蛋香甜，加上炸牛蒡香脆可口。 《黑蒜醬油拉麵 》醬油豬骨湯底比白湯味濃，清而不油膩，帶有咸香，叉燒亦嫩滑。《 日式餃子 》薄多肉汁，蘸上醬汁更提味。《 芥末八爪魚 》八爪魚粒彈牙，加上芥末微辣醒胃。飲品就叫咗兩杯可樂。做埋會員儲分仲有野食送。