金鶴拉麵 (蜆殼街)

營業中

休息中

話說有日見網上有人介紹天后有間越南河粉幾正，去到門口先醒起要 cross check Openrice （在加拿大耐咗習慣只睇 google map）見到網友食評兩極化好似有啲伏，即時轉陣搵咗間評分唔差嘅金鶴，好似做雞白湯拉麵做得幾好🍜叫咗細碗極濃雞白湯🐓拉麵，雞湯底超濃郁， 飲完會黏口，湯汁好掛麵，因為叫咗細碗所以唔會太膩。配料亦非常豐富，炸牛蒡夠香脆，溏心蛋夠流汁，慢煮雞胸好嫩滑比叉燒出色。燒物叫咗五花腩串，燒烤時間掌握得好好，唔乾身又甘香👍🏼 如果有得揀麵嘅硬度更好，因為我鍾意食較硬身彈牙嘅麵。如果有機會回頭，想試黑蒜醬油拉麵 😋I walked into @kanetsururamen which has a fairly high google rating with quite a few positive comments in Openrice. I picked the signature creamy supreme chicken white soup ramen. The broth was thick, creamy and strong in chicken

掛住日本既味道就黎天后依間金鶴拉麵試試，店面裝修已經好有日本嘅感覺🤍🇯🇵嚟到當然要點佢既招牌極濃雞白湯拉麵，湯頭濃郁，湯底係用原隻雞烹煮8小時以上既濃厚雞白湯，有滿滿嘅天然骨膠原，係貪靚女士們既最愛🥰炸牛蒡亦係依碗拉麵既另一亮點，牛蒡被炸至酥脆金黃，外層酥脆，配上雞肉同豚肉叉燒，獨特既口感同湯頭相輔相成，增添左額外既風味層次👍🏻😚另外加點左黑椒牛舌串，牛舌肉汁豐富嫩滑，都唔錯可以一試🤭

🌻黑蒜醬油拉麵🐱公司附近除左要有雙餸飯，有時有間拉麵店都好重要，因為得閒係要對自己好啲！喜歡去金鶴拉麵因為每次店員都好好，有傾有講，而且佢地嘅拉麵麵質同湯底我都覺得做得好好，雖然呢度特濃白雞湯係好出名，但黑蒜醬油都極高質！加上一個重點好多人無留意，就係佢每份拉麵都有兩塊慢煮雞胸！又滑又嫰令人有意想不到的驚喜！📍金鶴拉麵 (蜆殼街) (天后)天后炮台山蜆殼街6-16號寶榮大廈地下E號舖⚡️為食貓：😻😻😻😻⚡️氣氛貓：😹😹😹⚡️翻食貓：😸😸😸😸

今日又返嚟「金鶴拉麵」，重溫嗰份熟悉嘅滋味。第一次嚟食嘅時候已經係好滿意，今次再嚟又有新驚喜🍜🎉😋。首先，期間限定極濃牛骨湯拉麵真係保持住高水準，湯底濃厚牛味突出，豚肉叉燒軟熟多汁，每一啖都係舊日嘅味道。而店長推介嘅極濃白雞湯拉麵，呢個新嘗試就更加出色。拉麵裡面嘅雞肉好嫩滑，完全唔鞋口，雞湯鮮美到唔洗多調味都一流。黑椒牛舌串嘅質素都好穩定，牛舌嫩滑，燒烤嘅香味配上黑椒嘅提味，真係好難忘。仲見到佢哋有串燒加啤酒嘅優惠，下次有機會一定要試。再講返「金鶴拉麵」嘅A4和牛拉麵，每一口都係豪華享受。和牛軟滑得嚟油脂豐富，搭配上濃郁牛骨湯底，簡直係美味至極。糖心蛋更加係拉麵嘅完美配角，蛋黃鮮嫩，蛋白彈牙，攪入湯汁中更加增添風味。總結嚟講，「金鶴拉麵」嘅每一次訪問都會帶嚟新驚喜，食物質素一流，環境氣氛都好適合同朋友分享這美妙嘅味道體驗。下次再嚟，我一定會繼續探索更多佢哋嘅招牌菜式！🥢🍲🌟

去咗天后做完野, 當然要搵好野食醫肚啦. 蜆殼街成條食街咁，有好多食肆，見到呢間日式門面嘅拉麵館,一於試下啦. 店內裝修都係如同日式拉門館咁有BAR 枱對住半開放式廚房. 除BAR枱外還幾張2人,4人枱.  一貫日式小館感覺 簡潔企理 !  叫左 雞白湯拉麵-     $98 十分濃郁嘅湯底，雞湯飲落濃而不膩，幼身而彈牙嘅拉麵，配上慢煮日本赤雞，配炸牛蒡、葱花 、筍 有D似我喺鹿兒島旅行食嘅味道. 讚 ! 午餐 -黑豚叉燒豚骨拉麵 $68  可追加小食  我地加左個唐揚炸雞 3件  $28 彈牙嘅拉麵配上軟腍叉燒口感一流，豚肉香，爆漿溏心蛋.兩碗拉面都令人回味無窮,口感豐富, 色香味俱全.   唐揚炸雞又有驚喜 - 外脆肉嫉. 又唔會炸過龍. 好食.  無加錯. 另外左蒲燒生燒鰻魚- 一串 $ 68  試下佢地串燒嘅功力. 有料到. 外皮香脆, 但又保留到肉汁. 非常好食. 下次都可以黎飲酒食串燒也不錯.  佢地價錢唔貴 . 一定會再黎, 佢地仲有龍蝦拉面, 蟹湯拉面等等. 都好吸引. 

店名: 金鶴拉麵地址: 天后炮台山蜆殼街6-16號寶榮大廈地下E號舖炮台山站A出口，行5分鐘環境: 4/5價錢: 4/5味道: 4/5一直知道金鶴拉麵🍜好出名，中環、旺角、佐敦、銅鑼灣都有分店，終於有機會試下🤩朋友一直推介佢地嘅嘅雞白湯拉麵😆鋪面唔大，就算平日都長期滿足極濃•雞白湯拉麵(店長推介)❤️❤️❤️❤️❤️$138湯底十分濃郁，雞湯飲落濃而不膩，拉麵幼身，質地彈牙🤩配上慢煮日本赤雞同叉燒，整體而言滿分，面頭嘅炸牛蒡、葱花 、筍更增添不少😋令人回味無窮😍加套餐$20叫左低溫慢煮日本赤雞同code zero可樂，赤雞口質嫩滑，一啲都唔會鞋，經低溫慢煮，令其更為入味😚黑豚叉燒豚骨拉麵❤️❤️❤️❤️❤️$68叉燒口感軟腍，淡淡豚肉香，溏心蛋入味，咬開滿口蛋漿，配上彈牙嘅拉麵，十分滿足，口感豐富🥰日式餃子4隻❤️❤️❤️❤️$28餃子🥟皮脆內軟，煎至香脆，入面肉汁豐富，超juicy🥳

今次去天后搵食，呢間拉麵舖好令我印象深刻，做完嘢見完客之後就係咁岩食lunch … 見到呢間裏面充滿着日式氣氛，入到去點左一碗拉麵，叉燒好大塊，湯底好濃郁，餐具又好乾淨，環境唔錯！ 同埋佢哋有會員系統，可以儲分有折扣，抵讚👍

位於天后的日式拉麵店，屬港島的其中一家分店，特色拉麵是雞白湯拉麵，還有其他款式的拉麵及飯等選擇。餐廳面積不大，有吧檯及座位位置。裡面燈光昏暗，掛滿日式燈籠及壁報佈置，帶有濃厚的日式特色。串燒：鹽燒雞腎  雞腎鹽燒過後爽口彈韌，很有嚼勁。拉麵：黑蒜醬油拉麵拉麵上枱時，濃香的黑蒜油撲鼻而來。碗邊有兩片慢煮雞肉、叉燒及紫菜。叉燒粉嫩、柔軟。也不其他配料有糖心蛋、紫菜、筍片、木耳絲、青蔥。拉麵幼細、煙韌，很掛湯，吸收了黑蒜油及醬油湯的鹹香，味道豐富。飯：低溫慢煮日本雞胸肉飯200克份量的雞胸肉飯，豐富的蛋白質。嫩滑雞肉沒有醃製或醬汁，只是上面微微灑上了調味料，十分清淡、健康。旁邊配上燒醬汁一拼吃，更加惹味。

宜家出街食要搵50至60蚊而且好食已經很困難的事，何況要食日式拉麵！但金鶴拉麵宜家午膳套餐仍然做緊68蚊值得一讚（好似買緊廣告😅）今次食咗黑豚叉燒(香辣)豚骨拉麵價錢雖低但材料絕不馬虎，濃郁並帶有微辣湯底掛上略硬的拉麵令每一口都可食到本身料理的味道；叉燒軟硬適中加上醃製的溏心蛋令整個料理十分滿足

天后同炮台山中間有得食雞白湯拉麵有超濃同普通口味，仲要有輕量揀除左出名既雞白湯拉麵仲有其他拉麵選擇見佢有限定龍蝦拉麵，好想試不過今次先食佢個雞白湯先超濃雞白湯湯頭濃濃的，奶白色而且雞湯都鮮甜，拉麵份量超多非常夠飽，雞肉係慢煮好嫩滑，大大塊一啲粗糙感都冇，叉燒都係大大塊叉燒加雞肉，呢個組合好好食另外忘記講一上檯既時候，拉麵既炸牛榜要即刻食脆脆地好香口另外叫左餃子同炸雞同樣juicy，不過好老實淨係食拉麵才都好飽呢個價錢超值

為咗遠離繁忙嘅銅鑼灣，行吓行吓去咗天后嘅蜆殼街，條街有好多食肆，比呢間主打雞湯嘅拉麵吸引咗！見到限定商品menu有龍蝦拉麵，價錢比較貴$198 ，但見到圖上面有兩份嘅龍蝦就覺得價錢都幾合理，拉麵一上菜，發現龍蝦都係煎香過，濃湯好飲到飲左三大啖先肯食麵，而且溫泉蛋浸晒落去龍蝦湯入晒味，簡直係人間美食。塊叉燒超大塊，成個碗咁大！令我都叫咗兩碗消息。分別可以雞翼同牛舌。牛舌大大塊，估唔到小小一串，都有成三大塊。雞翼個脆皮好好食，而且有四隻咁多，價錢$48真係好抵食。

極濃雞白湯拉麵🐔招牌拉麵之一！湯底非常濃郁，而且打至起泡，吃完拉麵後，還可喝下湯底！雞肉厚身和嫩滑，叉燒亦很軟身，若能夠先燒一下，相信會更香口！.極濃牛骨湯拉麵🐮期間限定！一向是牛肉愛好者，當然不會錯過！原條牛骨連牛肉奉上，牛肉鮮嫩多汁，油脂甚為豐富！.餐廳環境寧靜舒適，裝修也很像傳統拉麵店的感覺，員工態度有禮，若果坐在Bar枱的位置，更能看到師傅製作拉麵的過程，也可以感受在日本吃拉麵的感覺！

金鶴拉麵天后炮台山蜆殼街6-16號寶榮大廈地下E號舖炮台山行過對面蜆殼街 條街人唔多 不過有好多食肆聽朋友介紹有龍蝦拉麵想一試黑色格調裝修 和風設計特色極濃龍蝦湯拉麵伊勢海老$198豐富濃郁龍蝦湯底 鮮美紅通通伊勢海老 睇落去好吸引微粉紅 微黃色湯頭口感滑順龍蝦肉彈牙好食 麵條烹煮時間見師傅有計時每個步驟睇得出認真用心 欣賞海鹽燒虎蝦$68 (2隻)粗過手指 虎蝦大隻實肉彈牙 海鹽有點椒鹽風味燒方式相對簡單，保留了虎蝦的原汁原味

早排同朋友去天后做野，放lunch就黎左呢間都幾出名既拉麵店食lunch，佢地有午市套餐，$68就有交易，真心幾抵食👍🏻🐥極濃•雞白湯拉麵 店長推介 $138湯底好濃郁，麵條好彈牙，內有軟諗雞肉，仲有豚肉、溏心蛋，特別推介佢地個炸牛蒡，香脆有咬口🌶️香辣豚骨湯拉麵$98鐘意食辣既朋友仔要試下，湯底清得黎帶點辣，不會太鹹😝叫拉麵或飯類均可加S20改為套餐，有齊小食同飲品，好抵食🤤小食 日式唐揚炸雞 （2pcs）日式餃子 (2pcs)餃子外皮香脆，內裏好juicy，配上醬汁好滋味😝烤雞大大嚿，雞肉肉質嫩滑套餐另外會包一罐汽水🥤成個套餐都好抵😉

今日下午放假，同Honey 喺天后附近搵野食麥連街都有幾間食肆，Honey 話以前住附近，試過呢間好食，咁我地就再去食多次 Honey 叫左換叉燒濃雞湯拉麵，塊叉燒好軟稔，好好味，個湯濃度剛剛好，Honey 忍唔住飲晒成碗湯，呢個湯真係要必試另外，Honey本來想加溏心蛋，侍應好好，話個湯已有一隻，所以無幫我地加。 我就叫左個唐揚雞拉麵，無論係炸雞，湯，糖心蛋各樣都好出色最後，即刻登記做會員，有100分，可以送飲品