影片
更多
2021-08-17
270 瀏覽
早排跑步行經山道發現斜路X哥個鋪位易咗手，新店叫斗滾，最吸引我望既就係話手切牛頸脊都係任食！對我來講，打邊爐冇得任食牛不如唔好食，或者要另外加錢都令人食得好唔爽。見有得任食牛，我就一於俾個機會佢，由於女友唔食得海鮮，今日可以自由活動，約咗個老友食。加上係任食，同仔食會特別爽，食兩輪都冇難度啊。星期日六點幾去到都已經有唔少人食緊，平日收費268一位，但假日就多30，可接受。其實價錢唔係問題，最緊要係佢俾你無．限．時．食！有時食到咁上下，想出去呼吸下，再食過，但如果限食90分鐘果啲根本廁所都冇時間去。先食雞煲，雞煲好鬼大兜喎，店員仲話可以任食，真係啱晒大胃王。原本嗌左小辣，但一食就覺得唔夠喉，同阿店員哥仔講，佢即刻拎入廚房搵師傅幫我哋加辣，大概去到中辣程度就最正。個汁咁惹味，好有encore嘅衝動，來碗白飯吖唔該！但食食吓又有其他野準備上枱。即係咁我知有海鮮食，但我以為係供打邊爐用嘅海鮮拼盤，點知原來係海鮮大雜會，以蒜蓉蒸嘅方式登場。真心講，齋計呢板野，佢賣三嚿水都唔過份囉。雖則啲海鮮唔算好大隻，但以鮮味取勝。我自己最鍾意開邊蝦，未食但聞住已經覺得好香。食完海鮮令到本身想再戰雞煲嘅我哋都放
星期日六點幾去到都已經有唔少人食緊，平日收費268一位，但假日就多30，可接受。其實價錢唔係問題，最緊要係佢俾你無．限．時．食！有時食到咁上下，想出去呼吸下，再食過，但如果限食90分鐘果啲根本廁所都冇時間去。
先食雞煲，雞煲好鬼大兜喎，店員仲話可以任食，真係啱晒大胃王。原本嗌左小辣，但一食就覺得唔夠喉，同阿店員哥仔講，佢即刻拎入廚房搵師傅幫我哋加辣，大概去到中辣程度就最正。個汁咁惹味，好有encore嘅衝動，來碗白飯吖唔該！但食食吓又有其他野準備上枱。
即係咁我知有海鮮食，但我以為係供打邊爐用嘅海鮮拼盤，點知原來係海鮮大雜會，以蒜蓉蒸嘅方式登場。真心講，齋計呢板野，佢賣三嚿水都唔過份囉。雖則啲海鮮唔算好大隻，但以鮮味取勝。我自己最鍾意開邊蝦，未食但聞住已經覺得好香。食完海鮮令到本身想再戰雞煲嘅我哋都放棄咗。
依度打邊爐嘅湯底一啲都唔流，莫講話佢唔係就咁加湯落個雞煲度，佢直頭換過個湯底比你。個湯底仲要係養生湯，好似每日都有唔同，我哋要咗燉烏雞花膠湯，哇，一上枱真係見到大大隻烏雞，無呃人。喂個湯好飲喎，食慣茶記嘅我一飲就知有冇落味精，佢當然無，我哋未開始淥牛肉已經隊咗半煲。
牛頸脊任食原來係有一個條件，就係要幫手Like 社交平台，輕鬆啦，而且真心覺得值得推介，所以之後都唔會Unlike返XD，哈哈。牛頸脊大大碟，以咁大碟嚟計，單點最平都收你198啦。我哋一人食咗塊之後都大感滿意，覺得牛味濃郁有口感，最終各自啪咗一碟，如果出邊咁樣食就已經四舊水啦。
我哋幾乎忘記咗仲有其他打邊爐配料任食，雪櫃自取，唔使落單。但掛住食牛肉嘅我哋都無咩點食到其他野了。
張貼
