隨變火鍋

營業中

休息中

好耐冇食雞煲，見隨變都有唔少人推介，主打麻辣好似幾吸引，就黎食下。隨變麻辣雞煲(半隻) $208叫左微辣但辣度相當強勁，麻香感夠刺激，雞肉質頗嫩滑，可惜半隻唔太夠喉，如果多啲唔同部位食下就更正。叫麻辣雞煲火鍋當然唔少得有蔬菜減膩，叫左娃娃菜($38) 同金菇 ($38)，新鮮又爽口，索盡湯底既精華。牛舌心串燒 $68叫左小辣味道剛剛好，口感帶嚼勁，又鎖住肉汁。椒鹽豆腐 $58冇諗過咁大一碟，同朋友食完之後都覺得好飽。椒鹽鹹香突出，豆腐外脆內軟，口感幼滑富豆香。