吞POT 雞煲火鍋.住家菜

營業中

休息中

想過一個開心嘅weekend ，又想食高質雞煲，一定唔可以錯過呢間！朋友勁推介一定要必食佢哋既雞煲，我哋揀咗個重慶麻辣雞煲（Bb辣）（半隻），雖然係半隻咋，但係雞件嘅份量真係好好多，仲有我最愛嘅雞髀位😍😍😍 最重要係佢哋個靈魂醬汁真係不得了！超級入味，我哋成班人都唔係好食到辣，所以叫咗BB辣，少少辣更加惹味！即時嗌左幾碗白飯送飯，超正！ 👍👍👍食完半隻雞其實都好飽㗎啦，但係我哋都再打邊爐，揀咗少少丸同埋海鮮，最印象深刻既係珊瑚蚌，超大份！超鮮甜！ 安格斯牛又係必點架，打邊爐點可以無牛，佢地既牛紋理勁靚，好大碟，超有牛味！另外個Wasabi牛柳粒都係特別要推介比各位！呢個超特別，小小辣，牛味好香好腍！好欣賞呢間餐廳😍 佢哋雖然係散嗌，但係食物真係好高質，除咗雞煲之外，又有雞煲翅，打邊爐，肉類海鮮蔬菜都選擇好豐富，仲要有勁多小食㨂！正😋