熊本牛鍋 (世宙商場)

營業中

休息中

估唔到俾我係元朗搵到一間有雞煲、和牛嘅火鍋放題，仲要可以任食3個鐘，真係好高性價比！🔹澳洲和牛套餐 $298 餐廳會先送上和風海鮮雞煲一鍋，雞煲入面嘅材料好豐富，有多隻大蝦、蜆肉、雞肉、洋蔥🧅等材料⋯雞煲味道少辣，食落好惹味。食左大部分嘅雞肉後，店員會加湯準備打邊爐之用嘅湯底。出面自助區有多款食材同飲品自助食材方面有餃子、墨魚滑、各款魚丸、熟食、雪糕等⋯而飲品有冰糖紅棗雪耳、夏枯草同各款汽水、啤酒！肉類方面可以任食澳洲和牛、牛白肉、頂級牛小排、牛肩胛、加拿大極嫩保濕豬片。而牛肉食落好香牛味，岩曬牛魔王！