熊本牛鍋 (世宙商場)

最近天氣涼左要食嘅一定有雞煲同羊腩煲！呢間就係元朗主打無限時雞煲打邊爐體驗 傍晚七點左右到都好多客人好熱鬧🍲澳洲和牛套餐💰308套餐包雞煲同埋任食牛肉 出面都有打邊爐料可以拎入座即有和風雞煲同蟲草花烏雞湯 烏雞湯有半隻雞係入面 飲落暖笠笠 雞煲食得多和風真係未食過 入面除左雞之外有蕃薯紫薯同豆卜 個味會淡D 冇其他港式雞煲咁濃值得一提打卡like會送免費蒸海鮮！大四喜蒜蓉蒸鮑魚 蟶子 生蠔同帶子全部都有 入面仲有D蒜蓉粉絲牛肉品質都高 不過冇咩點叫到 要自己加湯落雞煲到再打邊爐 出去調味打邊爐就啱曬出面可以拎嘅火鍋料都多 自家製就有手打丸 餃子 各種蛋餃 特別D仲有超大塊嘅牛舌 鵝腸同牛柏葉等等可以拎！當然蔬菜都有好多選擇 菌子 娃娃菜應有盡有野飲選擇都多 有自家製嘅紅棗燉雪耳糖水 仲有冇咁熱氣嘅夏枯草 仲有D 燉蛋 米糠布甸可以食！整體當日客流量都高 所以staff比較忙 不過換野食都算快 唔使等好耐～…查看更多

為咗慶祝餐廳五周年, 而家餐廳做緊快閃大激賞澳洲M4-M5和牛套餐 (HK$260/人)叫套餐佢會送日式和風雞煲.雞煲好香, 雞肉份量多, 而且啖啖肉.唔食辣嘅朋友都唔使驚, 因為佢嘅辣味真係少到我呢個唔食得辣嘅人都食到.佢係有少少麻味.所以好惹味.啲雞肉吸收晒雞煲嘅汁, 好好食.食完雞煲就可以加湯打邊爐.我叫嘅和牛套餐有5款肉俾你揀:頂級牛肉、牛肩胛、保濕豬豚肉、澳洲和牛、牛白肉全部肉都好好食.我最鍾意食牛肩胛同豬豚肉.除咗肉, 自助區仲有勁多配料俾你選擇.有菜、丸、麵、餃、菇.每類都有好多款選擇.揀唔到嘅, 可以全部都要晒.我特別鍾意佢嘅墨魚滑, 食落真係會食緊墨魚粒粒.飲品方面, 都係有好多選擇.除咗罐裝飲品, 仲有自家製嘅雞骨草同冰糖紅棗燉雪耳.最正嘅係, 啤酒都有幾款俾你選擇, 仲要唔使加錢.佢嘅冰糖紅棗燉雪耳值得一讚, 飲落清甜, 打邊爐飲佢感覺唔會好熱氣.喺社交平台like and share, 仲會送五款蒸海鮮.有帶子、鮑魚、蟶子、蠔同埋蝦.全部都好新鮮, 勁鮮味.自助區仲有多款甜品同雪糕.食完真係勁滿足呀!呢間餐廳仲要免+1真係勁抵食呀!…查看更多

🍲 澳洲M4-M5和牛套餐（$308/位）套餐有日式和風雞煲，食完雞煲之後可以加湯打邊爐，無限時任食澳洲M4/M5和牛、牛白肉、頂級牛肉、牛肩胛，保濕豬豚肉同雞肉🥘 雞煲好足料，除左有大大件啖啖肉嘅雞件之外，仲有紫薯、紅蘿蔔，洋蔥同豆卜，味道甜甜地惹味得嚟帶少少辣🦐 而家只要CLS(Comment Like Share)餐廳嘅ig page即可免費獲贈蒸海鮮（每日數量有限，送完即止）餐廳會為有預約嘅客人優先安排，唔好以為餐廳免費送嘅就會揸流攤；海鮮有鮑魚、大蝦、扇貝，蠔同蒜蓉蟶子粉絲，份量十足仲好新鮮；鮑魚彈牙，蝦肉爽口，蠔好飽滿肥美，蟶子鮮甜🥩 肉類方面，牛白肉爽口有嚼勁；和牛油花分佈平均，入口即化，牛肩胛肉質比較結實，牛味香濃；保濕豬豚肉相對普通豬肉鬆軟同肉汁豐富🥬 火鍋配料方面，無論係平時打邊爐唔少得嘅丸類，餃子、菇菌類，蔬菜定係主食都一應俱全應有盡有🧃 飲品方面主要係罐裝飲品比較多，無論係啤酒定非酒精飲品都一應俱全，樽裝飲品方面有餐廳自家製嘅冰糖紅棗燉雪耳同夏枯草，烏龍茶同韓式燒酒🍮 甜品方面有雪糕、藍莓奶凍、豆腐花、木糠布甸、冰粉，啫喱杯同燉蛋💰 而家餐廳做緊快閃優惠，$278皇牌套餐/$308澳洲和牛套餐二人同行一人半價，我同朋友埋單嘅時候見到平左真係好驚喜同埋110cm以下嘅小童星期日至四仲可以免費添🆓…查看更多

⧐ 熊本牛鍋 ⧏同朋友好耐無聚 又想打邊爐 搵到間無限時 仲要任食嘅火鍋店 入到去店員仲話即場打卡可以免費送海鮮 有鮑魚、蟶子，蠔、扇貝 仲要每隻海鮮上面鋪左好多蒜蓉🤤🤤like 、share佢地個專頁同埋留言即可領取不過店員話每日數量有限 送完即止 如果提早預約會優先安排✨🔖 澳洲和牛套餐 $280 [🥔🥔🥔🥔🥔] 原來宜加做緊五周年優惠我同朋友食左澳洲和牛套餐 本身$308 宜加$280我見到另一個皇牌套餐就由$278 減到$230110cm以下小童不佔座位免費重點唔收加一坦白講 可以任食 仲要無限時 性價比真係好高 👍🏼👍🏼👍🏼👍🏼💯入座仲會送和風雞煲 （雞煲都係可以任食🥹❤️）雞煲惹味 雞肉嫩滑宜加叫澳洲和牛套餐仲可以加碼送全新湯底蟲草花烏雞湯 係成隻烏雞呀 好足料🥹❤️一齊多多支持香港餐廳！𖤣 ʟᴏᴄᴀᴛɪᴏɴ : 元朗元朗安寧路38號世宙商場地下24號舖尖沙咀山林道21號永勝商業中心2樓A號舖✐ ʀᴇᴍᴀʀᴋ : 5嚿薯仔係最高分…查看更多

【良心街坊店❤️‍🔥無限時啤酒放題 🍻打邊爐雞煲任食 】同frd吹水一流，餐廳嘅環境寬敞，仲要啤酒任飲，人均$280有齊雞煲、雞湯、蒸海鮮、打邊爐任食，無論你係想傾偈定係食嘢，呢個話價錢都冇得輸！🍽️一坐低就會送一個雞煲同蟲草花烏雞湯，雞煲入面啲豆卜吸晒味好食，雞肉都好滑 ，再加埋個汁調味適中好正！無畀錢轉湯底，就咁用個雞湯用嚟打邊爐都已經非常夠味！打邊爐前飲返啖雞湯，最啱而家秋冬滋潤吓 。🔥🍲佢哋自己手製嘅水餃同埋丸好有誠意！餐廳有60幾款自選美食，啲肉都ok，我鍾意佢哋嘅和牛，肥瘦均勻🥩🤤，喺雞湯嗰度淥吸晒啲精華！最癲係而加只要like佢哋嘅Social Media，就可以獲得免費海鮮拼盤，拼盤有蒸蠔、帶子、蟶子、蝦、鮑魚🦐🍣，全部都冇沙，仲有海鮮嘅鮮甜味 👍🏼飲品方面，有40幾款選擇，包括咗10款酒精飲品，好似真露、清邁象啤，最啱同friend飲酒傾偈🍻🥳重點！佢哋仲有自家製涼茶，打邊爐熱辣辣飲返支冰糖紅棗燉雪耳，下火滋潤！💦甜品方面，佢哋用嘅係Dryers雪糕，最愛曲奇味！仲有自家製嘅藍莓奶凍、Tiramisu 🍦😍比較特別嘅一定係出邊打邊爐好少見到嘅「冰粉」，仲有連龜苓膏都有🤣整體嚟講，熊本牛鍋真係一間良心火鍋小店，質素ok又平，仲有好多優惠，一個價錢已經食到雞煲、雞湯、海鮮拼盤、打邊爐任食！仲可以無限時任坐，仲有咁多款啤酒任飲，好啱同friend食飯冇壓力慢慢傾🥳🍲❤️PS：除咗價錢好佛心，呢度嘅店主都好有良心，食緊飯嘅時候先發現原來餐廳會派飯俾老人家，問啲職員先知原來日日都會派，真係值得大家多多支持良心小店❤️‍🔥…查看更多