二十道

餐廳面積好細。就係一張吧枱同兩個師傅。和牛雞濃湯拉麵 湯底：味道鮮甜濃郁，係符合預期中好味嘅雞湯拉麵嘅味道，質地濃稠。麵條：係最傳統黃色中等粗度嘅生麵。就咁睇驚佢會有鹼水味影響湯底。好彩食落又唔覺。材料： 和牛食落唔係好嫩滑入口即溶嘅口感，係比較似打邊爐本地牛頸脊質地。不過咁嘅價錢又唔可以要求係貴價和牛嘅口感。下次覺得可以嗌西班牙豚肉或者牛舌。雪酒拉麵（蜆） 湯底：係蜆湯海鮮湯嘅味道加埋酒味嘅湯底。酒味比較濃郁，一飲就飲到清酒加蜆湯嘅味道。除咗酒味，佢都帶有蜆湯嗰種鮮甜味。味道濃烈，滿足想食有酒味嘅湯底嘅朋友。麵條：普通，係最傳統黃色生麵中生面嘅質地。就咁睇驚佢會有鹼水味影響湯底。好彩食落又唔覺。材料：蜆嘅味道鮮甜紅酒鵝肝 切粒嘅鵝肝伴著一個威化脆餅。鵝肝本身都好Creamy又滑，味道甜得來又有紅酒味。唔錯。師傅建議話連埋啲威化餅一齊食，但係我個人就覺得就咁單獨食，會更食到鵝肝嗰種好似雪糕質地好creamy嘅口感。👌🏼溏心蛋 開出嚟好靚，蛋黃係紅色嘅好靚日本蛋果種。生熟度整得啱啱好，不過味道就未算好入味。