二十道

一開始聽餐廳名以為只有二十道菜，原來真正指食物二十項元素，首先五味（醬油、鹽、酒、味醂同醋）、然後五色（白、茶、赤、藍、黑），跟住五法（刺身、煮物、燒物、炸物、漬物），最後五度（溫度、熱度、濃度、態度、深度）。20度，二十道就可以創造出無窮無盡嘅美味菜式。餐廳用左吧台式設計，客人可以近距離觀看部份料理過程，令人彷如置身福岡屋台。前菜叫左海帶尖同芥茉螺肉，芥苿螺肉幾爽脆，滲透芥茉辣味好過癮。海帶尖一樣好爽脆，非常開胃。- 燒牛舌老闆話燒牛舌係餐廳best seller，外皮燒到微焦，肉質顏色粉嫩，入口香甜，而且煙韌多汁，非常出色！牛舌下面舖左洋蔥，洋蔥辛辣味好少，生食都好味，而且可以解膩。- 魷魚一夜干雪酒拉麵拉麵既配料同一般拉麵好唔同，餐廳換上青瓜黃瓜，有一種煥然一新既感覺。主角魷魚好大份，燒得恰到好處，肉質仍然煙韌而唔鞋口，鹹香味十足。我加左$30就有飲品同赤蝦剌身😍，赤蝦好大隻，肉質彈牙，味道鮮甜無比。湯底都非常特別，充滿蜆肉鮮味，而且加咗酒粕，令湯底散發淡淡酒香。- 牛舌拉麵餐廳推出左一項萬聖節限定菜式，6:30pm後限定供應，就係原條牛舌拉麵。湯底一樣係雪酒湯底。老闆切成一片片之前仲俾我哋玩一玩😂，一條軟條牛舌可以切成十幾片，肉質非常軟稔😍 。整體而言，每道菜式都好出色，拉麵有驚喜呀，性價比高。今晚食咗好多牛舌，無論牛舌拉麵定牛舌心都好出色，職員服務質素都好好👍🏻…查看更多

北角的小型拉麵店，想不到這麽有驚喜。店面真的好少，只有吧枱，大概可以坐10人吧。不過正正因為小，當晚見到好幾個客人都是熟客，一進門老闆已經好熟落的招呼。✴️王室之食事 $168非常豐富的一個套餐，包含了沙律／前菜／麵食／魚生丼／串燒／甜品。我敢說，食量少的兩個人也夠吃。🦑前菜：應該是榮螺洋蔥漬物，酸甜爽脆，相當開胃。🥗沙律：用了日本水菜加意大利青瓜，拌了日本醋，好清爽。🍜拉麵：淨豬骨湯拉麵，拉麵彈牙，簡單加上幾片木魚絲／秋葵粒，但味道一點不單調。🍱熟成白生魚生丼比外面迷你魚生飯大碗，好多款新鮮刺身角切，我印象中好像包括帆立貝／油甘魚／劍魚腩／章紅魚，可能有錯，但每款都好鮮甜，米飯又好綿。🍢串燒2本：雞腿肉串／免治雞肉串咸香惹味，雞腿肉結實爽口，免治雞肉嫩滑。🌸甜品：櫻花和菓子口感軟糯，不過味道一般。✴️西班牙白豚肉（雞濃湯拉麵）$78西班牙豚肉非常有咬口，口感及味道都比較像牛肉，所以在普通豚骨拉麵的基底之下，提升了層次。還加了意大利青瓜／蘆筍／車厘茄做點綴。✴️溶岩蝦球 $28非常令人驚喜的小食，咬開溶岩是流沙咸蛋黃，外面脆，內裏咸香綿滑。總結，雖然店面細細，但好處是可以跟客人有良好互動，服務都零舍貼心。原本以為只有拉麵，想不到連一般居酒屋的料理都可以吃得到。一人餐的王室食事性價比好高，一個人基本吃不完。…查看更多

🍜拉麵隱世小店✨未試過唔好話自己住港島區‼️🧊🦑雪酒拉麵（魷魚一夜干）雪酒拉麵嘅湯底係由雞濃湯混合酒粕煮成，食之前飲咗啖湯暖暖胃先，配上魷魚一夜干的甘香鹹鮮與輕微煙香，對比鮮明，愈食愈正！湯底帶清酒香，麵條吸盡精華😋🐷🍜西班牙白豚肉（雞濃湯拉麵)雞白湯濃而不膩、順喉掛麵白豚肩肉以西京味噌醃至鬆軟入味然後生燒，脂香柔嫩，啖啖滿足！拉麵拌以日本樱花魚蛋片、蕃茄、BB蘆筍、意大利黃青瓜同埋香草令到層次豐富，味道提升🍢燒免治雞肉軟骨串・雞頸肉串燒免治雞肉軟骨串外層微焦內裡多汁，咬落帶脆感；雞頸肉串油香均衡、口感紮實🦑🔥燒螢光魷魚乾魷魚乾好好咬口帶嚼勁，大鹹香亦有鮮味，食完好開胃…查看更多

位於北角七姊妹道的「二十道」，店面細小僅設吧枱座位，但麻雀雖小，五臟俱全叫了兩款拉麵，都升級為套餐，附送赤蝦刺身與烏龍茶。赤蝦刺身大大隻，鮮甜彈牙，蝦身晶瑩剔透，入口即化牛舌拉麵配雞濃湯，湯底濃郁鮮甜，雞香突出，真係可以成碗飲哂！驚喜嘅係，上菜時成條牛舌上呀，原來而家玩緊萬聖節特別版，上完成條牛舌影下相扮下驚嚇，師傅再切好一片片，牛舌份量多咗，但冇加價呀！呢個係期間限定，手快有手慢冇！牛舌口感腍滑，完全入味，真係未試過咁好食嘅牛舌，與湯底配合到極致雪酒拉麵配大蜆，呢度嘅湯底真係一絕，呢個海鮮湯底，海鮮味好濃郁，又可以成碗飲哂，大蜆每一隻都係超大隻，蜆肉彈牙好有咬口，證明係新鮮到不得了，幾乎漏咗講，拉麵都係爽口彈牙，問問師傅，每一樣材料都係精挑細選燒螢光魷魚乾是驚喜之選，魷魚乾經炙燒後香氣四溢，入口有鹹香，口感極佳，配酒就啱哂燒免治雞肉軟骨串外層微焦，肉質嫩滑中帶脆骨口感，少少煙煙韌韌嘅感覺鰻魚肝好少食，燒得香氣四溢，逼出內裏嘅油份，入口香滑嘅綿綿，冇得頂整體而言，「二十道」一間小店嘅用心製作，令人由衷佩服，呢度仲可以包場開心一晚，有廚師發辦嘅套餐，或者鍾意食乜嘢，預先同師傅約定都可以，悉隨尊便，因為美食，我又過咗好開心嘅一個晚上…查看更多

成日聽朋友講, 有間二十道, 食十六道好出色. 今晚終於忍吾住, 要去會一會佢. 我個人好鍾意小店, 因為小店好有氣氛, 好親切. 同廚師咩都傾得. 今晚仲有一對母子坐旁邊. 傾下傾下, 仲一齊傾埋一份. 好正環境吾多講, 日本小店feel. 舒服講返今晚食咩先. 十六道 顧明思義就係 有16 款菜 吾記得左影餐牌, 但我相信上網應該好易搵到. 呢個前菜不得了. 送酒一流我食兩塊之後, 飲左半支靜岡果汁 (如果飲酒會係點)跟住以下呢兩樣必試. 真係要讚西班形蘋果酒生淹蝦 / 薰衣草漬生蠔 好味到我地問有無得追加. (*點知吾係話加就加, 前期功夫實左太多*)好喇, 開始食壽司喇. 先黎個青橘啫喱帆立貝壽司, 自問食咁多次壽司 Omakase 都未試過青橘 做成啫喱 好似放左檸檬咁 口感爆燈手卷無飯, 用手接 , 懷石料理跟住黎個和牛 已經飽左一半. 呢個餐越食越驚喜. 因為有我最like 既厚爆牛舌.跟住仲有極樂最中種, 雪酒煮大蜆, 燒魚, 燒魷魚去到呢度, 開始有小小飽, 仲有小小空位想填補.跟住兩碗拉麵 一到, 我同朋友仔都wow 一聲. 正.最後仲有我最鍾意既千層雪糕, 完美既埋尾!總結, 十六道係非一般既Omakase, 絕對俾你另一種感覺21年經驗既師傅傾計既時候有講到, 魚生最緊要食個鮮度. 呢間小店絕對做得到. …查看更多

北角二十道係人氣日式居酒屋，氣氛chill又有質感。招牌串燒味道濃郁，刺身新鮮爽口，配埋創意小食同日本酒，食得開心又過癮！🍢🍶我今日主要來食拉麵🍜～ 西班牙白豚肉拉麵味道超正！豬肉用上西班牙優質白豚，肉質細嫩多汁，帶點自然甜味。拉麵湯底濃郁，鹹香帶鮮，融合豚肉香氣，面條彈牙爽滑，配切薄豬肉片好有層次感，整體清甜又濃郁，超開胃！🍜🐖 嚴選西班牙豚後肉，先用秘製醬料醃製入味，再輕輕煎香，切成條狀後歸入拉麵碗中，配以新鮮香草如迷迭香，令湯底層次更豐富，香氣撲鼻，提升整體風味。🌿🍜雪酒拉麵大蜆超夠味！拉麵湯底用雪酒煮製，帶出清甜微香，蜆肉新鮮飽滿，鮮味濃郁，口感彈牙又多汁。面條吸收湯汁，既滑又香，整體味道鮮美清爽，海鮮控必試！🍜🐚 雪酒拉麵湯底以雞骨高湯和酒粕熬製而成，味道鮮濃卻不油膩，帶有淡淡酒香。新鮮沙白嫩滑爽口，配以清甜意大利青瓜、爽脆甘筍、紫洋蔥和日本水菜，層次豐富又清新。🍜✨燒牛舌外皮微焦帶炭香，肉質彈牙嫩滑，入口煙韌有嚼勁，帶點鹹香和胡椒香味，好滋味又開胃！🔥🐂依家仲要係周年慶， 仲要免加一！ …查看更多

唔洗飛去日本酒都sss‼️亦唔洗等冬季‼️想一嚐🇯🇵創新小眾滋味——酒粕ラーメン嚟七姊妹道就得‼️.🪸海帶尖（$10）[推介程度] 🟡🟡🟡🟡⚪️(4/5)坊間一般可見的中華沙律均以成熟的海帶切絲製作，而二十道這款前菜則是採用其尖端嫩葉部分，故口感更脆嫩、爽滑！入口陣陣麻油香，伴以脆甜薄切洋蔥大口吃下，不錯！.🥔忌廉薯餅（$20）[推介程度] 🟡🟡🟡🟡⚪️(4/5)金黃酥脆的香口小吃誰不愛！？一口咬下，濃郁奶香瞬即充斥口腔，軟糯的薯蓉及厚滑白汁所帶來的滿足感，確實讓人想Encore! 撈文溫馨提示記得小心燙嘴，因為是即叫即製的哦🫶💕.🍜元祖叉燒拉麵（雞濃湯）（$58）[推介程度] 🟡🟡🟡🟡🟡(5/5)拉麵的靈魂在於湯底，而他們家湯底順喉、鮮甜零膩感的秘訣就是在於使用鮮雞及帆立貝等等的材料熬製。肥瘦適中的叉燒，呈上前均會即場炙燒表面，製作同樣不馬虎！.🍜雪酒拉麵（魷魚一夜干）（$86）[推介程度] 🟡🟡🟡🟡🟡(5/5)想一嚐酒粕拉麵的朋友，直接選這款就對了！湯底除了同樣是加入帆立貝提鮮外，還加了清酒酒糟，幽香味美暖胃！再配上充滿海洋味道的魷魚一夜干，滿足就是可以這麼容易！.🌊鰻魚肝（$26）[推介程度] 🟡🟡🟡🟡⚪️(4/5)蒲燒鰻魚肝入口回甘，比鰻魚肉更富口感，保證就算不愛吃內臟的朋友也會深深愛上！.🐔燒免治雞肉軟骨串（$26）[推介程度] 🟡🟡🟡🟡⚪️(4/5)店內串燒同樣是即席燒製，故這雞肉軟骨串入口陣陣焦香，不錯！/店舖名稱 Restaurant Name：二十道 Niju.店舖地址 Restaurant Address：北角七姊妹道193號遠東大廈地下A號舖Shop A, G/F, Yuen Tung Building, 193 Tsat Tsz Mui Road, North Point.營業時間 Opening Hours：⊿星期一至日 Mon to Sun 11:30-15:30, 17:30-22:00…查看更多

好耐冇寫食評喇，但係我覺得呢間值得一個好評👍🏻沖繩豬手炆得非常淋同埋入味，食落冇中式豬手咁膩，好適合用嚟送酒🍶串燒拼盤呢間有啲特別部位，平時唔係好常見，決定試試佢雞頸— 上面灑咗香草，辣椒粉 食落幾彈牙免治雞肉串 — 好紮實，有啲軟骨，食落又咬口鰻魚肝+腸 — 真係未食過鰻魚肝，有甘香的味道，幾好食！！推介雪酒拉麵 （大蜆）個湯底係酒粕+雞湯，酒味湯底真係唔常見。但係大部分嘅酒精已經揮發哂，飲落口有清甜的感覺。蜆肉好鮮甜，而家真係好大隻，非常juicy。再配埋水菜、洋蔥絲、青瓜，好清新👍🏻雪酒拉麵 （魷魚一夜干）湯底同蜆肉一樣。平時食嘅魷魚多數好咸，但呢條完全無咁嘅感覺。有佢嘅鮮味仲好彈牙。$86有一整條魷魚，性價比非常之高🙌🏻雖然啲人成日話港島好多好嘢食，但係其實高性價比嘅餐廳真係唔多，住得耐咗有陣時都會諗食咩諗到頭痛🙂‍↕️。好彩發掘到一間新餐廳，$90一個set有拉麵小食飲品真係唔貴，絕對會再回頭～feel到老闆都好有心做，每道菜都會介紹，值得支持🥹…查看更多

週末走入鰂魚涌一間隱世居酒屋，主打牛舌拉麵，感覺好似坐喺日本街頭屋台，氣氛親切又有溫度。坐吧枱睇住師傅即場煮麵，香氣撲鼻🍜 牛舌拉麵（雞濃湯）湯底用雞慢火熬煮，濃郁得嚟又唔膩，入口鮮甜，好有層次。牛舌厚切但煮得夠腍，咬落去有彈性又唔韌，甜中帶香，好有驚喜。🍶 雪酒拉麵（魷魚一夜干）湯底係雞湯混合酒粕，入口有淡淡酒香，飲落暖笠笠。魷魚一夜干燒得香脆，鹹香味濃，煙韌口感同湯底互相襯托，係一碗好有個性嘅拉麵。🍤 赤蝦刺身（套餐轉配）蝦身晶瑩剔透，入口即溶，鮮甜得嚟仲帶少少海水味，完全冇腥，係刺身控必試之選。…查看更多

位於北角的《二十道》，就像置身日本小店一樣，吧枱式設計可直接看到師傅烹調，這裏的幾款招牌菜式，性價比高！🔸芥末螺片：螺片鮮脆爽口，帶有Wasabi莖的獨特辛辣和清香，刺激味蕾，清新又開胃。  🔸岩溶蝦球：蝦球外皮金黃酥脆，鹹蛋黃餡濃郁爆漿，口感豐富。  🔸厚切燒牛舌芯：牛舌芯厚切，肉質結實，師傅預先醃製，入口肥美帶甜，很有誠意。  🔸 西班牙白豚肉拉麵：豚肉鮮嫩多汁，配上拉麵與濃郁雞湯帆立貝湯底，味道溫潤鮮甜，層次豐富。  🔸雪酒拉麵：湯底油雞濃湯混合酒粕煮成，配上魷魚一夜干、日本水菜和意大利青瓜，難怪是這裏的招牌拉麵。  …查看更多

One of my fav resto in HK after I visited once😍A resto provides super delicious dishes with affordable prices🤑A bit narrow but still cozy!Especially like their grilled beef tounge🐮Super think texture tossed with barbecue sauce, crunchy edges but tender inside, more refreshing when taste with onion🧅 Their ramen is another high-light✨The Spanish White Pork Ramen in Chicken Broth is defo worth to try! The smell I feel when it served is unforgettable🥰The broth is slow-cooked, full of chicken and pork bone, resulting in a creamy but not too greasy texture with a rich flavour! The pork is perfectly grilled, very juicy and soft🤤The other snacks and appetisers are worth to try as well! There are also choices of omakase waiting for you too🤣 …查看更多

上星期朋友生日，要搵個地方坐到8個人，又可以包到場，每次去到仲好似開盲盒咁，係創意，視覺，味蕾上有不同驚喜。第一時間就諗起二十道源師傅的Omakase。———呢度的驚喜之處，就係每次黎到都會由不同原產地的食材(包括本地)，配搭不同的調味，組合岀創新而不同的日式佳餚。愛酒之人再配搭合適的白酒或Sake，會打破你係本地食omakase 的體驗。———冰菜配吞拿魚酒盗忌廉芝士 - 用上由日本吞拿魚內臟醃製的酒盜，鹹鮮味配搭香濃芝士口感，再用冰菜拉返個平衡，開胃送酒一流。我地pair 左清爽，微花香的白酒，更能平衡其鹹香芝士味。———汁煮關東刺參 - 本來見到海參無乜期待，因為大部分海參煮法都係掛汁上去，內部無乜味。但呢條刺參，改變左我對海參的睇法，高湯煨晒入成條參，襯返白蔥，鮮香甜，味濃不膩。———薰衣草慢煮蠔 - 一口咬落隻蠔到，蠔的鮮甜，creamy，再融入少少蜜甜，餘韻帶有淡淡的薰衣草花香，驚喜！如果有支 Chablis 係到一定好夾，可惜當晚無帶。———响螺刺身 - 響螺: 時令貝類，清爽鮮美———生淹瀬尿蝦紫蘇gin酒,配绣球菌 - 中式生淹就食得多，用紫蘇Gin酒浸的都第一次。生淹完的瀬尿蝦帶有淡淡紫蘇香，一啜入口，鮮甜帶點酒香味，自動幫你做埋wine pairing的效果。———熟成秋刀刺身,壽司 (配櫻葉) - 熟成秋刀魚: 秋刀剛入季，刺身油香鮮甜，2件壽司分別加入櫻葉及其他配料，令魚的濃郁鮮味提升，餘韻仲帶有櫻花香。配返支生原酒Sake，微碳酸中和返少少魚油感，更能帶岀秋刀的濃鮮魚味! ———燒鰻魚肝,雞頸肉 - 兩款都係我必點嘅串燒，雞頸肉嫩而不膩，肉味濃香。用鰻魚汁燒的鰻魚肝，既有粉嫩的內臟口感，加上味道鮮甜回甘，配返適合濃厚魚味的Pouilly fuisse ，絕對係我最愛菜式之一。———红酒漬物,3款,紫洋蔥,白苦瓜,蕎頭 - 好食到想叫師傅整定一樽比我擺係屋企。酸甜清新帶點紅酒香，3種蔬菜漬完後質感層次，食左咁多濃味菜式後refresh你的味蕾，為主食做準備。———日本刺身级鮫魚拉麵 - 源師傅的拉麵岀名好食，唔駛多介紹。重點係個晚加埋罕有的厚身燒鮫魚，其濃厚鮫魚油香，細密嫩滑的魚肉，燒到香脆的魚皮，好食程度爆曬燈。可惜得一件，唔夠喉！———最後有件千層蛋糕，飲埋啲酒，朋友們風花雪月，開心滿足的一晚。人頭唔駛1k(唔計酒)，係香港地無乜地方搵到。不過每一次去食都要當最後一次去品嘗，因為下次再去就會開新的盲盒，未必食得返同樣的菜式。對本地日式omakase 有偏愛的朋友絕對要去試吓。…查看更多

最近好想食拉麵, 有朋友仔介紹 雪酒湯拉麵, 即時出發去北角試下 知道小店位置吾多. 所以一放工就飛奔過去. 6:30pm 到達, 但已經剩返兩個位. 岩哂. (*目測好似有14個位*)環境:好有日本地道小店Feel, 我最like. 而餐廳名係二十道. 原來佢有個set 係二十道菜. 今次黎想試佢拉麵, 下次再試佢個二十道. 食物:兩碗拉麵之外. 我仲叫左一堆小食: (*原來吾小心叫左咁多野*) 好飽雪酒拉麵, 同燒牛舌真係必試. 無得頂1）芥末螺片2）苦瓜漬3）岩溶蝦球4）燒牛舌5）冲繩豬手6）魷魚一夜干雪酒拉麵7）雪酒蜆拉麵8）蜜柑梳打上菜速度快. 一直都有人在門外排隊. 好多年輕人黎食. 有一個後生仔. 仲一個人叫左個二十道. 我下次都要黎試下個二十道. …查看更多

記得早前見到呢間居酒屋小店好多宣傳好有期望就去食下❤️ 午餐主打拉麵就試下但佢一去發現期望過高🙁吹到好大嘅雞濃湯只係一般預制的感覺的一般雞湯底唔新鮮👎🏻 最大問題係座位好細坐得好迫店員服務態度極差🌚已經冇位迫住坐仲要俾店員鬧褪得太後阻住佢行😡 環境服務食物質素都差非常唔建議😩⭐️ 西班牙白豚肉拉麵 🐷招牌嘅雞湯味道好一般🐔口味單一冇雞肉香好似預制湯底😟拉麵麵質冇誠意似一般鹼水麵😖 用蕃茄同蘆筍做配菜夾硬營造Fusion感🌍但係整體格格不入唯一可取豚肉尚算唔太雪藏感🥓⭐️ 牛舌拉麵 🥩牛舌切得太碎而且口感偏淋食唔到應有嘅口感👅用沙律菜同翠玉瓜作配菜同樣不知所云🥒浸腍晒嘅蔬菜同牛舌嘅肉味完全同雞濃湯不配合…查看更多

🌸🌸🌸🌸🌸冷拉麵汁清新,有酢味開胃,少許辛辣日本红糖心蛋好濃蛋味豚鰹冷拉麵,$68🤭🥳今日又去找好食😋的日本餐、話時話、北角區和側漁湧區的市民，真的有口福，要去幫襯，大家一齊帶動經濟、現在這種維持食物質素的自家日本餐、好難找🤭連煮食咁有心的煮廚，也難找😃🌸大家要多啲去支持用心煮食的廚師這家店的食物，有心煮，有味道、有溫度食中剛中帶柔，性情中物🌸謝謝這家店的廚師煮美食給我們🌸…查看更多