二十道

二十道價錢💲: $90(special set)/ $116好味程度😋: 4.3/5服務🍴: 4/5環境🗾: 3.3/5性價比🥢: 4/5回頭率😚: 4/5-上一篇講到好食的麻糬波波，今次就介紹係麻糬波波隔離幾間舖位的日本菜。呢間拉麵居酒屋睇得出老闆好有心機做，做法仔細講究，有細心搭配過先做。呢樣嘢又牆上面的介紹就可以見到: 五味、五色、五法、五度，成就左呢間鋪頭的二十道。小店只有幾個位置，午市做各式拉麵丼飯，而晚市就有做omakase。-✅牛舌拉麵。湯底用上雞同帆立貝去熬，飲落好鮮甜，係濃郁的雞味啊！同白湯唔同，佢的雞湯有更純粹的感覺，加埋小小帆立貝提鮮，飲曬成碗都唔口渴。飲完個嘴唇仲會有小小黏黏的感覺，熬出骨膠原。雖然係雞湯，但湯底唔油膩，迎合著重健康的人都食得👍🏻 拉麵係黃麵，難免有d鹼水味，但連湯一齊食都蓋到大半了。呢隻麵掛湯程度一般，但口感會無咁爽，個人就一般啦🤔 牛舌厚薄適中，煮得好軟腍，牛味濃到令到個湯都會飲到淡淡牛味🤩配料上唔似一般咁用上糖心蛋同荀，而係日本的水菜、意大利黃青瓜同埋漬過的蘿蔔。全部都有一種爽脆嘅口感，而蘿蔔因為醃製過更加冇咗浸蘿蔔臭味🥳-✅✅雪酒大蜆拉麵