神山麺屋 (創紀之城五期(apm))

營業中

休息中

晏晝想食拉麵，真係去咗APM呢間拉麵店食，喺出邊見到佢裝修都幾有日本感覺，入到去見到佢採用開放式廚房，廚房前面有張吧枱，今日一個人嚟食所以就坐咗喺吧枱前面，叫咗個期間限定嘅雞叉燒醬油拉麵，等左唔係好耐，就有得食。係吧枱望入去廚房，見到佢廚房環境都幾乾淨，食都食得放心啲。個雞叉燒醬油拉麵分量唔算多，女仔食只係覺得啱啱好，得兩塊薄薄嘅雞叉燒，但係醬油就好濃味，國家叉燒本身唔算熱，我估可能係凍食，每本有粒糖心蛋，糖心蛋嘅質素好高，醬油味入晒雞蛋入邊，而且咬落去有蛋汁流出黎，不過呢碗拉麵連埋加一都要$88 ，我覺得佢份量唔算多，但就收得好貴，雖然質素都算好，但就唔太經濟實惠。