羲和雅苑

營業中

休息中

之前經常提起既爆炸糖片皮鴨想試左好耐，咁啱有朋友生日就決定去食呢間慶祝。餐廳內裝修好古色古香仲有海景。主角當然係片皮鴨，係訂位同時已經預訂左烤鴨一入到枱就可以準備上菜之後再慢慢諗食咩，除左烤鴨外款式都幾多選擇但相信食完主角都已經填滿半個肚所以淨點左2款菜同甜品。金沙鮮魷魚份量十分大，外層炸皮脆卜卜得黎有沾上鹹蛋黃同內裏既油份，魷魚炸得唔老又爽彈。金銀蛋浸䈑筍皮蛋同鹹蛋鋪滿係萵筍面上加上少少肉碎，湯汁帶鹹蛋黃香飲落都唔會口乾，䈑筍切到一絲絲仍保持脆口唔會過淋。烤鴨上前店員首先放上八寶盒同一盤帶熱氣既盤整理好放枱，然後即製既羲和烤鴨由師傅推出到枱前再慢慢將烤鴨分割。首先係烤鴨皮做第一道菜放上熱盤保温，然後到鴨胸到最後為鴨腿肉。八寶盒上有自家製既簿餅皮，除左傳統配料外仲有山楂同洋蔥用黎包簿餅食落感覺比較清新無咁膩，最期待當然係爆炸糖食落無失望感覺比預期中夾原來甜版既片皮鴨都幾搭配。食完鴨都已經好飽，最後再追加糖水楊枝甘露芒果香甜柚子甘香薑汁紅棗桃膠薑味十分濃又夠辣幫助消化。