龍華酒店 (下禾輋)

營業中

休息中

搭親火車經過沙田個見到龍華酒店老婆成日都話要黎試下，今次我就決定同埋老婆屋企人黎食。原來間餐廳隱藏左係條村入面，行入餐廳時，沿路會經過一條燈籠小樓，非常之有特色！雀巢椒鹽水晶鴿蛋哩嗰要預訂先有得食，出面都唔係周圍有得食，鴿蛋好似水晶一樣，透明嘅蛋白，好靚好好食，仲有炸到脆卜卜嘅雀巢，要黎打卡真係一流！紅燒乳鴿紅燒乳鴿貴為黎呢度嘅皇牌，當然一定要食，皮脆肉嫩，十分juicy！韭黃肉絲炒麵炒面香脆，肉絲香滑連埋韭黃香味加埋一齊口感層次豐富而且味道非常之夾！薑蔥焗廣島蠔薑蔥味夠香，d蠔隻隻爆汁，煲仔上食到尾都仲熱辣辣原來李小龍以前都鍾意黎食，牆上都掛左d佢既資料；去廁所沿路見到隻白色鸚鵡，好得意唔怕人。