好湯好麵

營業中

休息中

一直都好鍾意海鮮湯既食物，見好湯好麵好似一向都好出名，就好期待咁去試下，氹下自己開心。平日下午大約1點45分倒到，唔洗排隊即刻有位，不過其實目測下層已經冇位，上層就唔知了。叫左個海龍皇湯麵，另外見食評D棉花雞好頭好尾都好吸引，有機會都想試下，不過如果我真係去，都可能叫返海龍皇。佢仲有D小食都好似好吸引，不過我一個人，都冇信心會食得曬，所以都冇叫。個海龍皇湯係又香又濃，可能有D人會覺得咸，但我覺得恰到好處，食到一條麵都唔剩，餸就有花膠同三隻蝦。蝦佢有清腸，不過清得好唔乾淨！仲有好多剩左響度！但overall 黎講我覺得好味，都值回票價。個女店員講野好大聲，佢係有禮貌，但好大聲。