影片
更多
2021-04-30
88 瀏覽
本身想食串燒，不過果間餐廳冇位，就轉戰左嚟喜來稀肉。之前經過都想試，不過次次食飽先經過見到。我地行完樓梯上去，d侍應唔係好理人，要企埋去收銀望住個職員，隔1-2分鐘，佢先理下我地，問我地幾多位。我第一次嚟食，一坐底，覺得好搞笑，見到個穫有一兩篤白色野、又一篤篤紅色野，我忍唔住問我老公張枱係咪人地食食下一半走開左？不過望返隔離一兩張枱，原來佢地d枱係咁set，除左餐具、小食，個穫果d白色野係豬皮就唔知肥膏（for起穫）、蒜頭片；紅色野係泡菜...係撈蛋漿嘅...變泡菜蛋。手機落單，叫左喜來烤肉、喜來五花肉、牛護心肉、豬護心肉、牛舌、2杯orion。等野食上枱果時，侍應上左碟喜來烤肉比我地先，不過唔知係咪新人嚟，佢將碟肉嘅汁搗左落我老公條褲度，整污糟佢腳同褲，我老公勁嬲，個侍應想扮傻，冇啦啦望住我，搞到我唔敢出聲，我望返個侍應，佢先ee哦哦咁唔好意思，但係擺出一個「我係整污糟你呀，咁可以點呀」嘅樣，到佢走左，我老公仲係好嬲，不過佢死忍，扮冇事原本好開心試野嘅心情，即刻冇哂。隔左陣，侍應拎住2杯啤酒過嚟，剩係放低1杯就走去另1枱，我覺得好怪，所以望住佢去另一枱，見到人地耍手擰頭，個侍應仲推嚟
我地行完樓梯上去，d侍應唔係好理人，要企埋去收銀望住個職員，隔1-2分鐘，佢先理下我地，問我地幾多位。
我第一次嚟食，一坐底，覺得好搞笑，見到個穫有一兩篤白色野、又一篤篤紅色野，我忍唔住問我老公張枱係咪人地食食下一半走開左？不過望返隔離一兩張枱，原來佢地d枱係咁set，除左餐具、小食，個穫果d白色野係豬皮就唔知肥膏（for起穫）、蒜頭片；紅色野係泡菜...係撈蛋漿嘅...變泡菜蛋。
手機落單，叫左喜來烤肉、喜來五花肉、牛護心肉、豬護心肉、牛舌、2杯orion。
等野食上枱果時，侍應上左碟喜來烤肉比我地先，不過唔知係咪新人嚟，佢將碟肉嘅汁搗左落我老公條褲度，整污糟佢腳同褲，我老公勁嬲，個侍應想扮傻，冇啦啦望住我，搞到我唔敢出聲，我望返個侍應，佢先ee哦哦咁唔好意思，但係擺出一個「我係整污糟你呀，咁可以點呀」嘅樣，到佢走左，我老公仲係好嬲，不過佢死忍，扮冇事原本好開心試野嘅心情，即刻冇哂。
隔左陣，侍應拎住2杯啤酒過嚟，剩係放低1杯就走去另1枱，我覺得好怪，所以望住佢去另一枱，見到人地耍手擰頭，個侍應仲推嚟推去杯啤酒，我就估到佢可能做錯野，等隔左一陣，佢搞掂左人地果枱，我就叫個侍應，問佢係咪比漏左1杯啤酒我，佢冇啦啦好驚喝住我，叫我等陣，ok fine。最後佢終於斟返杯啤酒比我，擺出個做錯野嘅樣，又扮冇事咁。
聽聞護心肉好好味，不過可能我地唔識燒，燒完覺得一般般，唔算人地所講話好好味。我地覺得喜來烤肉、喜來五花肉好味，呢兩款特別重味，岩我口味多d，喜來五花肉覺得漏嘅話，加塊生菜包住，連埋蒜頭片，真係一流，好好味！ 牛舌我就覺得不過不失，喺日本食過好好味嘅，喺香港嘅牛舌，都覺得好難好味，sor
我地燒燒下肉，發覺呢間餐廳嘅穫好怪，好易有黑色焦，好易痴住d肉。我唔係咁鐘意，不過老公拎張紙巾抹下個穫，d焦好快冇哂，所以都唔知係好定唔好。
整體嚟講，推介喜來烤肉、五花腩。
貴，我覺得係貴在個穫特別，唔會易燶底，唔值就喺d侍應度，餐飯咁貴，但係服務差；可能會有人話唔夠人手，體諒下，但係我只會覺得我比咁貴係為左開心同食得好，如果得嚟嘅經驗咁難忘，就可一不可再，試過就算喇。
張貼
