御膳

營業中

休息中

由出黎做野後，屋企人都無特別去慶祝生日，最多只係係屋企食下蛋糕，不過今年細佬生日唔知做咩大家都想出去食飯慶祝下，可能人大左各有各忙，小左見面！呀妹收工收最夜咁就佢翻工地區啦，最後決定左去觀塘食，六位用既菜單係事前已經確定左。麻辣鹵水大拼盆 $120，金錢肚，豬大腸，手撕雞，款款都好入味，特別係個豬大腸，食落又唔肥又夠稔。花雕蛋白蒸龍躉球$198，媽媽中意食魚，點都要叫一個，見openrice 既人都大讚呢個花雕蛋白蒸龍躉球，魚肉同蛋都夠滑，當要要試啦，好好食，不過分量好似唔太夠。梅子果皮蒸肉蟹$398，大約1斤，蟹殻好硬，不過勁大舊蟹肉，好鮮甜，超正！蒜蓉粉絲蒸大元貝6隻，$58蚊一隻，每人一隻， 好大粒既元貝，而且腸既位置已經清整好，元貝上既蒜好香，而最下層既粉絲吸收晒元貝既鮮味仲有蒜香味。金華玉樹雞半只$170，個名好得意，雞好嫩，加上咸咸既金華火腿，一流。蒜蓉炒時菜$60，媽媽選了西蘭花，蒜味夠！西瓜盅350，見好多人都有食，我當然都要試，賣相好好，但其實都係水果盤。哈哈全家人都好滿意呢餐，太好了，私房餐既好處係唔會太嘈，可以細心品嚐食物。