太元樓

營業中

休息中

行開北角，突然之間見到哩間新開嘅上海鋪，因為招牌好光所以吸引去試下。環境簡單光鮮，menu好似平時飲茶d剔剔紙，好清楚。新開試食佢嘅乳鴿，真係新鮮炸，好多汁！小籠包皮薄，一口一隻，熱辣辣都唔錯。最最最好食嘅就係紅棗心太軟！佢用左桂花蜜糖，淋上紅棗糯米，又甜又香又熱，個蜜糖汁好味到我地再叫左饅頭，再舔蜜糖食，真係超級好味！🤤 鍾意食甜品嘅我地一款甜品係唔夠架！再加碗酒釀丸子，暖笠笠，細細碗啱啱好。雖然座落係住宅區，但係都吸引到好多街坊，價錢唔算貴，可以一家大細落樓試飯。唔錯唔錯，下次再黎試其他嘢食！