黑目 (已結業)

喺OpenRice尋找新餐廳。日式西餐廳喺香港都唔少但要搵間好食嘅唔容易。同事話我好識食，其實每次試新餐廳都戰戰兢兢…因為可能會中伏！呢間隱藏喺鬧市中央圖書館附近嘅餐廳好有日本feel。我哋一行六個人叫咗溫泉蛋和牛烏冬、炸魚薯條、三文魚Benedict 、蟹肉意粉等等。溫泉蛋和牛烏冬和牛好甜美好好食😋烏冬非常煙韌絕對唔係冷藏貨！炸魚薯條炸完即刻上枱勁新鮮，熱辣辣好味道；三文魚Benedict 加埋薯條就算男士食都夠飽。飲品方面cappuccino、Dirty coffee雖然等得耐咗啲…但係好味道。叫咗個士多啤梨吐司賣相非常之靚，味道亦都唔錯。環境坐得好舒服，仲要係pet friendly! 可惜當日冇人帶狗狗嚟…不足之處係所有香港餐廳都發生嘅人手不足…不過服務態度仍然係唔錯嘅，會再幫襯。