影片
更多
2025-02-28
630 瀏覽
成日聽講觀塘嘅工廈因為租平所以好多性價比高嘅美食臥虎藏龍，今日就特登去試下 relish 呢間西餐。裝修都幾別出心裁，有星球主題混合輕工業風，令人覺得好舒適好有空間感。餐牌用黑膠碟呈現現有種懷舊復古嘅味道。前菜三重奏有鹹有甜，先由鵪鶉蛋配粟米芝士撻食起，然後到由黑毛豬製成嘅風乾火腿配蜜瓜果凍，食落口感好豐富，配合得天衣無縫，有 d 似 parma ham 但更具特色。鵝肝配車厘子亦都好match，落左 d 冧酒更加係畫龍點睛毫無破綻。食完前菜醒一醒胃後就到湯，龍蝦湯非常濃郁，香氣撲鼻，而椰絲牛油果蜜瓜凍湯就好清甜，個人覺得龍蝦湯更勝一籌。至於主菜則點左西班牙海鮮飯同紐西蘭羊架。羊唔羶食落好嫩滑而且好香羊味，唔會過份熟因此仲好彈牙得黎唔會韌，可以話係恰到好處。而內裡鎖住肉汁保持 juicy，襯埋芥末醬就更加好味。至於海鮮飯就好足料，美味程度不遑多讓各有千秋，大大隻蝦仲有蜆、青口等高級海鮮，用料上乘烹調技巧優秀，令飯亦吸收曬海鮮嘅鮮味，食到齒頰留香欲罷不能！整體而言，成餐飯嘅體驗良好，呢個價錢仲有青檸沙冰同朱古力紅桑子開心果脆脆作為甜品作結真係無得輸。而且飲品如玉桂梳打、紅蘋果洋甘菊茶等都
前菜三重奏有鹹有甜，先由鵪鶉蛋配粟米芝士撻食起，然後到由黑毛豬製成嘅風乾火腿配蜜瓜果凍，食落口感好豐富，配合得天衣無縫，有 d 似 parma ham 但更具特色。鵝肝配車厘子亦都好match，落左 d 冧酒更加係畫龍點睛毫無破綻。
食完前菜醒一醒胃後就到湯，龍蝦湯非常濃郁，香氣撲鼻，而椰絲牛油果蜜瓜凍湯就好清甜，個人覺得龍蝦湯更勝一籌。至於主菜則點左西班牙海鮮飯同紐西蘭羊架。羊唔羶食落好嫩滑而且好香羊味，唔會過份熟因此仲好彈牙得黎唔會韌，可以話係恰到好處。而內裡鎖住肉汁保持 juicy，襯埋芥末醬就更加好味。至於海鮮飯就好足料，美味程度不遑多讓各有千秋，大大隻蝦仲有蜆、青口等高級海鮮，用料上乘烹調技巧優秀，令飯亦吸收曬海鮮嘅鮮味，食到齒頰留香欲罷不能！
整體而言，成餐飯嘅體驗良好，呢個價錢仲有青檸沙冰同朱古力紅桑子開心果脆脆作為甜品作結真係無得輸。而且飲品如玉桂梳打、紅蘋果洋甘菊茶等都好養生，啱曬注重健康嘅朋友。推介大家都黎試下，相信你都會覺得有驚喜~
張貼
