黑目 (已結業)

地理位置有啲隱世嘅銅鑼灣型格日式居酒屋，結合Cafe形式，提供鍋物、串燒、意粉等多款食物嘅選擇，又有咖啡同酒飲，款式真係幾多元化😌⁣⁣• 日本A3和牛野菜鍋 $480⁣• 追加日本烏冬 $25⁣目測有四大片A3和牛，仲有冬菇、日式腐皮、南瓜等配菜，滾起後食材煮熟就食得喇～我哋仲加咗個烏冬，煙煙韌韌嗦晒汁真係好味又飽肚🤰🏻⁣⁣• 爐燒金蠔 $68/隻 ⁣金蠔Size好巨型同飽滿，表面經過風乾令蠔嘅鮮美濃縮喺蠔身之中，內裡肉質仲係keep到嫩滑juicy，就連配菜嘅本菇都烤得好香😋⁣⁣• 酒煮卜卜蜆湯 $98⁣份量不多但誠意十足，卜卜蜆固然新鮮，重點係個湯頭非常濃厚嘅海洋風味，絕對係精華所在✨⁣⁣• 串燒雞盛合 $148⁣• 日本蛋 $10⁣包括免治雞肉棒、雞腎、雞軟骨同雞翼，用上醬燒烹調，甜中帶焦香，係我個人幾鐘意嘅口味，而且整體火候控制得唔錯，非常之惹味🔥⁣⁣• 日本沖繩啤酒 $36⁣⁣• 柚子梳打 $38⁣⁣