越火越式湯粉

營業中

休息中

今晚就嚟呢間越式小店度食晚餐。店舖裏面環境簡潔乾淨，店員有禮。試咗個四重響套餐，有兩款小食，一個主食，同埋特飲。炸蝦餅：外脆內軟滑，咬落軟身帶肉汁，加埋甜酸醬嘅點綴,，好食！香茅豬扒：帶有香茅嘅清香，香脆可口，味道恰到好處。生牛肉湯河：上枱嘅時候，香氣撲鼻，生牛肉粉粉嫩嫩,，浸一浸牛肉片放入口，生熟度啱啱好，入口鮮嫩。河粉湯底味道濃郁，掛湯食好順滑, 啖啖芫茜，仲有香葉同埋蔥粒嘅香氣，食完暖笠笠。另外仲叫咗個炸春卷：非常脆口，用新鮮生菜包住熱辣辣嘅春捲嚟食，平衡炸物嘅膩感得嚟, 口感豐富。飲品有凍話梅蜂蜜柚子茶同埋椰青，清涼解膩。