厚德飯店

營業中

休息中

銅鑼灣呢間高級粵菜裝修雅緻 燈光柔和 枱同枱之間夠闊落坐得舒服 傾計都唔怕嘈到人好適合同屋企人或者朋友慢慢食 慢慢傾✨手工琥珀合桃一上枱就聞到香甜味 合桃炸得脆口外面層糖衣薄薄哋 甜得嚟唔會膩仲帶少少芝麻香 送酒或者當小食都一流🐷蜜餞叉燒皇叉燒控必試 肉質軟嫩 半肥瘦比例啱啱好蜜糖汁香甜得嚟唔會過火 仲有微微焦香 咬落去juicy到爆🐚 醒胃凍花甲花甲肉爽甜冇沙 酸辣汁醒神開胃🍲杏汁菜膽白肺湯老火湯真材實料 杏汁味道濃郁但唔會苦白肺處理得乾淨 湯底奶白色 飲落順喉潤肺🐔吉祥脆皮雞皮！脆！到！似！玻！璃！雞皮薄脆 肉質嫩滑 蘸少少淮鹽已經好夠味🦪酥炸台山蠔蠔仔大大隻 炸粉薄脆 咬開蠔肉爆汁鮮味十足 配埋醬汁 更加惹味🥬瑤柱粉絲什菜煲蔬菜種類多 瑤柱絲提鮮 粉絲吸晒湯汁精華味道清甜得嚟唔會寡 健康又好味🍚飄香瑤柱荷葉飯荷葉香氣撲鼻 飯粒分明瑤柱、蝦米、雞肉份量足 仲有少少臘腸香 食落夠鑊氣 💡環境同服務都一流 雖然價錢唔平 但絕對值得👍