影片
更多
2025-05-08
0 瀏覽
-好少去大埔行街搵食，咁岩見到呢個街坊地段竟然有間咁靚嘅西餐廳。餐廳由外到內都以🐷最鍾意嘅深藍色作為主調，一入餐廳映入眼簾嘅係一大座水晶燈，復古裝潢令人有時光倒流嘅感覺💙 Tasting Menu $598Set Dinner $398 🐮自家製生牛肉他他將鵪鶉蛋黃加入牛肉他他攪拌後再食，肉味偏濃帶蛋香味。牛肉混入蕃茄粒、洋蔥粒、黑椒、辣椒等，味道比其他餐廳嘅生牛肉他他惹味😋 🐚三文魚籽配原隻磯煮鮑魚沙律 +$18鮑魚非常新鮮，肉厚而飽滿彈牙，帶醬油鮮甜味。灑上三文魚籽，味道更鮮美更有層次。 🦞龍蝦濃湯 +$18整個湯都有大量新鮮彈牙嘅龍蝦肉，肉質結實唔鬆散。湯底無太多嘅調味，真正原汁原味龍蝦湯，必試😍 🍄🟫牛肝菌野菌忌廉湯 成個湯都充滿住牛肝菌嘅香味，無添加太多香料已經香氣四溢。由於有好多牛肝菌野菌蓉，所以質感較厚身，推薦👍🏻 🧈自家製牛骨髓牛油包剛出爐嘅麵包格外鬆軟，塗上淡淡油脂香味嘅牛骨髓，香而不膩。牛骨髓帶微顆粒狀，口感豐富。 🐟西京燒比目魚 以味醂、糖等調味料煎比目魚，味道微甜開胃，帶濃厚日式風味。比目魚肉質嫩滑，保留大量肉汁、水份。雖然魚肉較厚，但食完都無膩感，推薦🤩 🐮
好少去大埔行街搵食，咁岩見到呢個街坊地段竟然有間咁靚嘅西餐廳。餐廳由外到內都以🐷最鍾意嘅深藍色作為主調，一入餐廳映入眼簾嘅係一大座水晶燈，復古裝潢令人有時光倒流嘅感覺💙
Tasting Menu $598
Set Dinner $398
🐮自家製生牛肉他他
將鵪鶉蛋黃加入牛肉他他攪拌後再食，肉味偏濃帶蛋香味。牛肉混入蕃茄粒、洋蔥粒、黑椒、辣椒等，味道比其他餐廳嘅生牛肉他他惹味😋
🐚三文魚籽配原隻磯煮鮑魚沙律 +$18
鮑魚非常新鮮，肉厚而飽滿彈牙，帶醬油鮮甜味。灑上三文魚籽，味道更鮮美更有層次。
🦞龍蝦濃湯 +$18
整個湯都有大量新鮮彈牙嘅龍蝦肉，肉質結實唔鬆散。湯底無太多嘅調味，真正原汁原味龍蝦湯，必試😍
🍄🟫牛肝菌野菌忌廉湯
成個湯都充滿住牛肝菌嘅香味，無添加太多香料已經香氣四溢。由於有好多牛肝菌野菌蓉，所以質感較厚身，推薦👍🏻
🧈自家製牛骨髓牛油包
剛出爐嘅麵包格外鬆軟，塗上淡淡油脂香味嘅牛骨髓，香而不膩。牛骨髓帶微顆粒狀，口感豐富。
🐟西京燒比目魚
以味醂、糖等調味料煎比目魚，味道微甜開胃，帶濃厚日式風味。比目魚肉質嫩滑，保留大量肉汁、水份。雖然魚肉較厚，但食完都無膩感，推薦🤩
🐮黑松露鵝肝威靈頓牛柳
切開威靈頓牛柳鬆脆嘅酥皮，包裹住濃香牛味嘅牛柳。先有鵝肝油香味，再滲出黑松露獨特香味，味道相當有層次。
💚特濃開心果麻糬杯
🐷一直都對nuts嘅製品興趣不大，但見呢排好多地方都有開心果嘅製品，所以就試下係咪咁好食🤔點知一試就返唔到轉頭！
開心果mousse口感軟滑細膩，開心果味非常突出，同時有陣陣甜味、奶香味。Mousse之中有脆粒、麻糬，口感層次分明。🐷同🐷隊友一致認為最出色係呢個甜品！😋
🍷Sangria +$68
採用紅酒、白蘭地為基調，再加入橙汁、菠蘿汁、檸檬汁、西柚汁等，整體酒味適中，偏甜易入口。
🩵Slime +$68
Tiffany blue嘅外型好受女仔歡迎，椰奶加入薄荷，頗為特別，味道清新。
張貼
