影片
更多
2025-06-30
0 瀏覽
最近朋友講起有間$299花膠雞火鍋放題，佢地話好抵個湯底又正，令我充滿期待🤤首先，火鍋既湯底係呢度既最hit promotion。花雞湯睇落已經好濃郁，散發住濃郁既雞肉香氣，加左多種香料，令湯底既味道層次分明。一開始試既時侯，湯既鮮甜即刻喺個口度蔓延，忍唔住飲多幾啖，唔想咁快落牛肉同埋其他火鍋配料。湯底既底蘊深厚，搭配後續既食材，好令人驚喜。個套餐仲包埋刺身盤同海鮮盤。刺身盤有三文魚、帶子同埋生蝦，每一片刺身都切得好厚，色澤都唔錯，特別係三文魚，肉質鮮嫩，魚味好鮮甜。帶子好大嚿，滿意👍🏼海鮮盤勁正，見到呢一盤已經覺得會食到好飽。每人有兩隻鮑魚、蝦、帶子、蠔、魚片…超級正，勁豐富，海鮮仲要好新鮮，份量好多。牛肉有牛小排、牛肩胛、牛板腱、一口和牛。牛肉部位鮮嫩多汁，切片厚薄適中，牛味都幾濃好滑，牛肉既油脂係口中融化，口感滑順。牛肉既鮮味同花雞湯底既搭配，好滿足🤗自助區勁多野食，餃子、墨魚片、丸類、海鮮、麵筋、蔬菜…飲品區都有好多韓國嘅飲品、無糖茶、汽水…各種各類好多選擇!
最近朋友講起有間$299花膠雞火鍋放題，佢地話好抵個湯底又正，令我充滿期待🤤
首先，火鍋既湯底係呢度既最hit promotion。花雞湯睇落已經好濃郁，散發住濃郁既雞肉香氣，加左多種香料，令湯底既味道層次分明。一開始試既時侯，湯既鮮甜即刻喺個口度蔓延，忍唔住飲多幾啖，唔想咁快落牛肉同埋其他火鍋配料。湯底既底蘊深厚，搭配後續既食材，好令人驚喜。
個套餐仲包埋刺身盤同海鮮盤。刺身盤有三文魚、帶子同埋生蝦，每一片刺身都切得好厚，色澤都唔錯，特別係三文魚，肉質鮮嫩，魚味好鮮甜。帶子好大嚿，滿意👍🏼
海鮮盤勁正，見到呢一盤已經覺得會食到好飽。每人有兩隻鮑魚、蝦、帶子、蠔、魚片…超級正，勁豐富，海鮮仲要好新鮮，份量好多。
牛肉有牛小排、牛肩胛、牛板腱、一口和牛。牛肉部位鮮嫩多汁，切片厚薄適中，牛味都幾濃好滑，牛肉既油脂係口中融化，口感滑順。牛肉既鮮味同花雞湯底既搭配，好滿足🤗
自助區勁多野食，餃子、墨魚片、丸類、海鮮、麵筋、蔬菜…飲品區都有好多韓國嘅飲品、無糖茶、汽水…各種各類好多選擇!
張貼
