Na Thai

營業中

休息中

👦🏻👧🏻平時都鍾意搭叮叮周圍去，今次就揀咗搭到跑馬地，附近行下就發現呢間幾隱世既泰國菜餐廳🇹🇭 - Na Thai，餐廳裝潢幾溫暖，用咗木材裝潢🪵。本身都以為喺得呢區嘅餐廳都會定價比較貴，又估唔到呢間價錢又合理坐得舒服，值得一試🥰。🌟泰式炸蝦餅四件圓轆轆炸得金黃嘅蝦餅，切開八件，每件都好厚身，蝦餅🦐夠曬彈牙蝦味香濃。再點埋酸梅醬，特別開胃。🌟泰香料酥炸軟殼蟹外層炸得非常香脆，又唔會太厚粉漿。平時出面食炸軟殼蟹🦀可能都比較削冇乜肉，但呢度既軟殼蟹係超級多肉又有唔少蟹膏，充滿鮮味！另外仲可以點羅望子醬，酸甜辣在一身，同海鮮幾匹配。🌟泰國娘惹咖喱👧🏻就對呢個娘惹咖喱🍛有幾高評價！配料可以選擇雞肉/牛肉/豬肉/鴨肉/蝦，今次就揀咗雞肉。娘惹咖喱用上唔少香料，當中包括香葉、乾蔥、金不換🌿，當中金不換嘅味道非常突出，所以香味四溢。醬汁唔太辣，非常容易入口，調味比平時食既咖哩較甜，呢個醬汁絕對係萬能，攞嚟撈飯或者配煎薄餅都係一流。雞肉就用上雞柳，唔鞋口又唔會有好多雞皮👍🏻。🌟泰式蝦炒金邊粉炒金邊粉亦係表現唔錯，金邊粉條條分明炒得夠乾身又夠鑊氣，要有既配料(芽菜韭菜雞蛋豆干)、大蝦都有齊曬。