影片
電話號碼
68800838
開飯介紹
店面走懷舊設計的Na Thai 由泰國廚師烹調正宗泰國美食。餐廳主菜推介有泰式辣椒膏炒皇帝蝦、泰香草羅望子菠蘿煎魚及招牌咖喱炒肉蟹；還有椰子雞湯、椰子海鮮炒飯、椰子雪葩等富當地風味的特色菜。
繼續閱讀
營業時間
今日營業
12:00 - 21:30
星期一
12:00 - 14:30
18:00 - 22:00
星期二
全日休息
星期三至五
12:00 - 14:30
18:00 - 22:00
星期六至日
12:00 - 21:30
公眾假期
12:00 - 21:30
公眾假期前夕
12:00 - 14:30
18:00 - 22:00
以上資料只供參考, 請與餐廳確認詳情
有關獎賞計劃
食評 (62)
去開黃泥涌打波，朋友話食左lunch先打波，所以佢search到呢間係體育館對面Hsbc小斜路的泰國餐廳。一入到去發現全間舖頭，所有嘅柱或者天花都是用木板鋪成的，梳化是橙紅色的，舖頭播放著一些舒適音樂。餐牌有著多款Weekend Lunch，所以我地揀左兩款。椰子雞湯會有草菇粒，雞粒，香茅，生洋蔥絲，泰國男薑，令到椰奶，充滿各種味道。山洋蔥絲有點辛辣，提升椰子雞湯味道的層次。雞肉嘅肉質係比較鞋嘅，但係佢嘅精華已經融化在椰子湯裏面，所以我哋一滴不留飲曬佢。泰式海南雞飯， 第一舊雞肉肉質有點點鞋，但第二三舊就剛剛好，黃油飯底乾身，而且米粒好有咬口。他的醬汁有別於平時食到的醬汁，蔥油的蔥煮過，所以比較深色，橙色的是辣汁，但又不是真的好辣，好惹味。食到最後，把雞肉點上木瓜沙律的醬汁，又是另一番味道。我和朋友都想飲Thai Iced tea ，店員話佢有分檸檬茶還是泰式奶茶，茶底都係泰式紅茶，所以我地各點了一杯。見到佢有個馬沙文咖哩問咗店員，原來馬沙文咖哩係唔辣嘅。今日天氣陰陰地都係食返啲辣咖哩驅下濕，所以我哋點咗紅咖哩豬飯。原來紅咖哩裏面藏有一粒粒菠蘿粒，突然食到一點甜，感覺好開心。另外我哋記咗個小食係春捲，因為新鮮炸起所以放一陣先食會好啲。另外，我哋點咗最鍾意食嘅青木瓜沙律，好正宗，先睇到佢擺盤就像一個藝術品一樣。他是辣的，會有紅蘿蔔絲，蕃茄仔，生洋蔥絲，青檸，豆角，推成一個一座山，再淋上沙律辣汁，滲透在沙律的每一角。不過，要注意的事，青木瓜沙律真的好辣，食食下我都要等埋海南雞飯到咗我先再食。我地坐左係個打卡位，所以今日影相好靚，好開心和朋友一齊食到美食，又可以一齊打波，又是一個美好的下午。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9
繼續閱讀
昨晚嘅晚餐體驗在NaThai顯得尤為特別。這家座落於跑馬地綿發街的泰國餐廳，用它那經典復古的裝潢和寧靜雅致的氛圍迎接了我們。走進餐廳，我立刻被那份減緩都市繁忙步伐的格調所吸引，問及為何選擇此地，朋友神秘一笑，暗示著餐後定會有答案，這裏的泰國美食足以讓人不惜跋涉再次光臨。隨著一杯清新的椰青悠閒地啟動我們的味覺，接下來是一連串精心製作的美饌：柚子沙律 - $105採用新鮮柚子結合脆口花生及香菜，這道沙律展現了一種獨特的風味對比，清新的果香與細膩的香草味道交織，為這晚的美食之旅開啟了清爽的序幕。馬莎文咖哩雞肉 - $98這款馬莎文咖哩以豐富的香料為基調，雞肉經過慢火燉煮，肉質柔嫩，咖哩醬汁濃郁，呈現出泰式料理中的經典滋味，每一口都傳達著泰國傳統美食的深厚底蘊。泰式鮮檸蒸烏頭魚 - $198這道招牌菜肴，將新鮮的烏頭魚蒸至剛好的嫩滑程度，再點綴以鮮檸汁，酸甜的果香提升了魚肉本身的鮮美，使其成為晚餐中的亮點，令人難以忘懷。
繼續閱讀
那天晚上，我約喜歡食泰國菜的細堂妹，走到位於跑馬地綿發街的泰菜館 <Na Thai>！看到 Menu 才得知，店子由 2011年屹立至今， 可見其實力所在！這裡播放輕柔的泰國音樂！店內約10張枱，店子以木色為主調，加上紅磚牆、泰國人像金箔畫別樹一格！店內只有一位香港女店員及一位外籍女店員，她們熱情待客、殷勤有禮！聽女店員介紹，店方的廚師為泰國人，口味正宗！令我們更期待嘞！ 食物上得快，而且價錢與份量豐足，性價比高！質素好過 Airside 滑浪主題泰式餐廳 <浪谷>！Lunch menuFood menuDrinks menuFresh coconut water $55原個椰青清甜美味又解渴，跟泰菜好夾得來！Na Thai Twister $38起初，我想點芒果特飲的 Mango Fizz，可惜！恰巧無供應， 就點了次選的特飲！石榴汁混合荔枝肉，兩者香甜的配搭，果然一拍即合！口味無得輸！口感豐富的 Mocktail 特飲！香脆大蝦春卷 $110一客4件，春卷即叫即炸，外層香脆，以原隻鮮蝦製成，用料十足，蝦大隻又鮮味！內外兼備！芥蘭雞肉炒河粉 $108雞肉大件也有調味不馬虎！ 芥蘭翠綠清爽、還加入甜美的甘筍；河粉是粗身，油光閃閃，有鑊氣之餘，又不算好油膩，而且均勻入味！泰香草羅望子菠蘿煎魚 $198製作需時，工序繁複！選用新鮮驢魚，起肉煎至金黃色，外脆內軟，鎖住魚鮮香及魚汁，啖啖肉又鮮美！ 加入新鮮菠蘿、彩椒、車厘茄，色彩繽紛又添香，色香味俱全！ 食飽飯，9:15 後經過馬場，免費入場感受 Happy Wednesday 呀！
繼續閱讀
跑馬地這個地方不算是旺區，毗鄰銅鑼灣，但卻有不少臥虎藏龍的餐廳，不要以為只有復古系列餐廳，這間很有特色的泰國餐廳很有驚喜，主要熟客都是附近外籍居民，而且主廚都係泰國人，口味真係十分地道，服務方面好有禮貌，又會主動斟水，喺人均低於$500嘅餐廳嚟講好少見👍❤️環境幾別緻，靜靜地環境好舒服，但係難得價錢都唔貴，人均都係百零蚊，值得一試♡青咖喱雞 ，唔會太辣，比較適合香港人口味，做得好嘅地方係咖喱汁煮得好香，幾有特色，香料好足♡冬陰功湯：份量都唔少 足夠兩人share辣辣地好開胃，而且大蝦都幾彈牙，材料質素都唔差，好飲♡泰式金邊粉，今日好想食泰式炒河，但係賣晒，唯有轉做金邊粉，又幾好食泰式豬頸肉♡燒得好香口，最正係自家製醬汁，同平時用上預醬汁唔同，吃得出真材實料，比銅鑼灣的泰國菜餐廳實在太多，相信下次都會特登喺銅鑼灣過嚟食—————————————————Na Thai (跑馬地)跑馬地綿發街8號地舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodphotography #foodgasm #lunch #dinner #foodstagram #跑馬地美食 #泰國菜推介___🥇Follow @eathkgirls #eathkgirls
繼續閱讀
大家有冇遊過電車河呢？😎有條電車線的總站就在跑馬地，平時真係好少入去，今次又發掘下入面有咩食😆 成日覺得嗰邊啲餐廳應該好貴，但竟然俾我搵到呢間性價幾高嘅🇹🇭泰國餐廳，餐廳走懷舊設計的，播放著休閒的音樂，裝潢主要以木系為主，還掛上泰國圖騰地氈作裝飾，由泰國廚師烹調正宗泰國美食，店員態度親切，值得一試👍🏻。1. 🍢精選拼盤($128)有四件已切開的蝦餅、四件已切開的魚餅和兩件春卷，份量都幾多，味道亦不錯，🍤蝦餅和春卷都炸得好香脆，炸到金黃色，蝦餅爽口彈牙，蝦味鮮濃，🐟魚餅辣辣地，春卷餡料有紅蘿蔔絲、菜絲、粉絲等等，再點埋泰式甜酸醬和酸梅醬，特別開胃！😋2. 🦀泰香料酥炸軟殼蟹 ($118)一上枱已經見到好多隻軟殼蟹🦀，好震撼！🤩 軟殼蟹外層炸到好香口，非常香脆，粉漿亦不會過厚👍🏻 還有些蟹膏😝充滿鮮味！另外，還可以點埋羅望子醬，味道酸酸甜甜，帶點辣度，配搭一起幾開胃，又可以解膩！😎3. 🐣🌶️青咖喱雞肉 ($98)一上枱便聞到好香的椰奶味，味道不會太辣，用上香茅葉、南薑、紅葱頭、辣椒葉等熬製而成，青咖喱裏有很多雞肉、豆角和泰式茄子🍆份量亦不少👍🏻4. 🍲辣椒炒河粉 ($105)選了辣椒豬肉炒河粉，這裏的炒河粉是平時比較少食到，泰國入口的河粉比較闊身，口感Q彈，加入蛋豬肉片、芥蘭、紅蘿蔔片、泰國羅勒葉、辣椒和洋蔥一齊炒， 非常香，炒得好有鑊氣🤩👍🏻 食落好入味，好想一啖接一啖咁食！😙
繼續閱讀