龍亭

和朋友約食鐵板燒,餐廳隱密性很高,連大門都要諗下點開,好神秘呀😅呢度主打親民價食日式鐵板燒,上网订位更有优惠!多款鐵板套餐可選~ Primer Omakase入門廚師鐵板燒 套餐每位只係$588,包括沙律、鐵板海鮮、肉 類、炒飯及甜品◇前菜沙律魚子醬煙三文魚連點上黑醋,非常開胃！◇美人梅酒月桂冠甘濃梅酒(300ml) 濃郁梅果香氣,好香甜嘅梅味酒幾好飲~◇頭盤海鮮揀佐南非鮑魚,帶子鮑魚厚肉大隻,非常好彈牙有咬勁,,,配埋秘製蒜蓉醬更惹味😋帶子加咗牛油同黑松露汁味好鮮甜😋碟旁加入分子料理>蝶豆花海鹽泡泡,將海鮮沾落去一齊食,即時提升鮮味,好時別。◇澳洲牛柳配上蒜片,櫻桃蘿蔔及師傅自己手磨嘅wasabi,仲有竹炭鹽。蒜片好香脆“ 牛柳肉質軟嫩,我叫咗5成熟,完全冇根,口感 非常軟!◇海鮮炒飯大蝦黃金粒炒飯,粒粒飯都炒至金黃色,入口不會太乾身,味道同口感好豐富◇時日甜品豆腐雪糕(雪葩口感)配上紅豆爆珠好夾！◇鐵板焦糖多士($68) ·多士煎得非常香脆,焦糖味道香甜好味,配上手打檸檬忌廉,好味！