陳鵬鵬潮汕菜館

營業中

休息中

知道陳鵬鵬潮州菜嚟咗香港，諗住約埋四個朋友一齊嚟食個四人餐，聽聞性價比幾高！諗住下午6:00早啲去開餐，點知來到已經好多人排緊隊，等到七點半先入到座！但好多嘢已經賣晒，個四人餐仲要好多款菜式冇貨，暫停供應！雖然有啲失望，但係等咗咁耐，又一場嚟到，都要試吓！唯有散叫菜式！款式價錢都好合理，唔算好貴！最後叫咗六樣餸！食完後覺得味道唔錯，加上潮州菜一向比較貴，所以呢度都算經濟，下次可以再嚟，希望下次可以食到個四人餐啦！