一鳴屋台料理

營業中

休息中

自從禁堂食，都好少約朋友食飯，依家終於可以同朋友聚一聚，食返餐好。之前食過一鳴嘅拉麵，見佢其實除咗拉麵，仲有好多唔同嘅日本料理，好似幾吸引，今次終於有機會試吓。睇睇Menu，好多嘢都想試，我哋最後點咗以下幾款，估唔到樣樣都唔錯。汁燒厚切牛舌心呢個牛舌心係令我最驚喜，外皮燒得好香，但𥚃面好嫩，唔會韌，燒得剛好。調味方面亦啱啱好，不會過鹹，仲帶點清新嘅柚子香味，非常正！鹽燒牛柳粒牛柳粒都好食，好juicy，但就不及牛舌心咁驚喜。燒赤魚一夜干魚的外皮燒得焦香，裏面嘅肉嫩滑彈牙，唔會太多骨，唔錯。明太子海鮮雜錦御好燒非常足料，入面有滿滿嘅海鮮同菜，唔會覺得口感好粉。上面鋪滿明太子醬同木魚碎，味道好豐富，令人好滿足。