翠林辣蟹舫

朋友話最近有間網紅蟹店做緊優惠。指定炒蟹同菜式有半價，仲每個月都會轉款，要試係時間～🦀避風塘炒蟹（$344）呢度既招牌菜，連擺盤都好有心思，蟹肉大大隻肉質鮮甜，配合香脆既炸蒜，超級惹味，炸蒜仲可以撈飯🦐黃金流沙蝦球（$96）彈牙爽口既蝦肉同香脆既外皮令口感好豐富，再配埋鹹香既鹹蛋黃，好惹味🐂避風塘牛肋肉（$144）牛肋肉夠稔夠入味，肉質鮮嫩多汁，加上外層脆卜卜既麵衣同惹味既蒜蓉，成個配塔都好特別🥔香辣土豆絲（$49）土豆絲唔會太生又唔會太爛，炒到岩岩好，入口鹹得黎帶少少辣味，好岩送飯