ASADO - Argentinian Steakhouse (樹德大廈)

營業中

休息中

見到呢間灣仔新開食阿根廷ASADO，睇評分，無論呢間新店，同之前開嘅中環店評價都好好，決定試一試佢。Steak Tartare $198食過過唔同地方嘅牛他他，呢間ASADO味道有層次！放喺餐前送嘅麵包上食，口感更豐富，而個自家製汁 (牛扒都會再上)，有畫龍點晴作用，滿意！Striploin 350g/12oz $388選擇困難，上網睇完食評，Ribeye、Tenderloin同Striploin都想試！結果揀咗有少少咬口又有油脂嘅Striploin。入口牛味濃厚，同時油香兼肉汁充足，今次order medium rare我覺得好適中，外面香口，中間肉好嫩滑，真高質！睇其他食評牛肉係全部由阿根廷空運到港，加上烹調洽到好處，令人回味。Pasta of the day $168講到問係「是日意粉」，冇得你揀，但真心都好好食，sor唔記得全名叫咩，總之係白汁菇意粉，上面有芝士，又係食到唔停口。我覺得一定要叫~ 有驚喜！真心要讚裡面嘅staff非常friendly，服務又好，有問必答，仲會主動關心你食得開唔開心。最正係一入去，問我哋係咪第一次嚟，答佢係，佢好有自信話「咁一定唔會係你哋最後一次。