阿叔泰麵 (金殿臺漢宮閣)

營業中

休息中

最近太古開咗一間新餐廳專門食泰國船麵，餐廳唔算好大但環境舒適，裝修好新淨，餐牌印喺餐紙上，設計精美。⭐️阿叔牛肉船麵（牛） $88試咗一啖湯頭之後，又見到職員拎住調味料過嚟，原來係有正宗食法，建議加兩茶匙砂糖、半茶匙辣椒、半茶匙魚露同埋半茶匙白醋，落完之後再試一試，果然湯底更加有層次，不過唔食辣嘅人記得唔好落辣椒🤣牛肉唔係牛肉片，而係用牛腩，大大嚿肉，肉質冧👍🏻金邊粉方面口感QQ，份量都好多，有啲似即食麵嘅QQ粉絲，不過當然呢間餐廳好食啲😹⭐️醉貓豬頸肉炒河 $82賣相油亮金黃好吸引，河粉係塊狀，口感同樣有QQ感覺，咬落去有彈性。豬頸肉大大片，配埋炒河粉嘅香氣，好夾。⭐️肉碎生菜包 $68肉碎份量非常足，食完生菜之後仲有剩下肉碎，可以撈落湯麵道食🤣肉碎調味偏向家常多過泰式風味，蒜蓉味重，唔算好酸亦唔辣，仲有啲九層塔嘅香氣，食落去非常開胃，連唔食得辣嘅人都可以一試😜⭐️椰汁西米糕 $58甜品有五件，椰汁糕唔係啫喱狀嘅口感而係偏硬少少，口感特別，西米混合咗粟米同埋芋頭碎，增加口感，可惜我哋太飽食唔晒🥲🙌🏻-整體嚟講覺得餐廳保留住泰國菜嘅特色，同時又融入咗本地人嘅口味，重點係冇加一🤣😙此乃自費食評。