新新酒樓

營業中

休息中

從舊店已開始幫襯，到後來更上十一層樓繼續幫襯，但剛搬店後因質素大不如前，人流極少，所以先行暫且放下；直至多年後嘅今日，兩老話想再嚟幫襯，而且見食評也不錯，於是見今日星期日假期，都膽粗粗嚟試下。到達後，果然不出所料多人在等位，但最後也不消半句鐘便可以安坐；點心雖然唔係太多選擇（可能貴精不貴多），但每樣都係想試嘅點心，加上套餐都不錯，不過我們仨叫點心都夠食。我哋點咗五樣點心加隻乳鴿，後來仲加咗人手推銷兼新鮮熱辣嘅焗餐飽；乳鴿肉汁鮮嫩好味，每樣點心都足料兼新鮮出爐，而且樓面人手充足，招呼不錯！總結⋯價錢公道、食物質素中上、雖然環境有少許狹窄但尚算乾淨（起碼洗手間企理）、招呼不俗！基於以上原因⋯一定有下次！