影片
更多
2024-08-16
182 瀏覽
閨蜜之《Maison ES》今次呢間位於灣仔星街既中法餐廳《Maison ES》，絕對要推介比大家，餐廳主打法國菜，主廚不停創新新元化，再加入亞洲元素，令菜式變成fusion菜，所以每次食都有驚喜，餐廳有特色，裝修有法式古典風情，浪漫氛圍十分重，食物擺盤好精緻，好適合情侶夫妻拍拖、朋友、閨蜜、約會慶祝紀念日，較早前電視劇新聞女皇都係到取景，職員安排坐低後，已經為我地準備Welcome Wine( Saint Louis Blanc de Blancs Brut, N.V.)，Welcome Wine係有氣香檳嚟嘅，味道幾好，唔算甜容易入口林，另外仲有麵包籃Sour dough，入口仲好溫粒粒，非常軟熟，食落有麥香味，Cuttlefish Noodles：呢道菜係墨魚然後切成麵條既型狀，色質晶瑩剔透，其做法令入口食落感覺更彈牙，而醬汁就用左喇沙打成泡沫，再加上大澳蝦亁及微酸柚子蓉，入口味道鹹香帶少辣，感覺有東南亞風味，非常開胃。The Tartare：今次配搭用上半熟鵪鶉蛋、高貴Osicetra魚子醬，再以特製四川辣醬制作以成，感覺新穎，味道好香，將牛肉他他放上亞麻子脆片食，入口除左味味
今次呢間位於灣仔星街既中法餐廳《Maison ES》，絕對要推介比大家，餐廳主打法國菜，主廚不停創新新元化，再加入亞洲元素，令菜式變成fusion菜，所以每次食都有驚喜，
餐廳有特色，裝修有法式古典風情，浪漫氛圍十分重，食物擺盤好精緻，好適合情侶夫妻拍拖、朋友、閨蜜、約會慶祝紀念日，較早前電視劇新聞女皇都係到取景，
職員安排坐低後，已經為我地準備Welcome Wine( Saint Louis Blanc de Blancs Brut, N.V.)，Welcome Wine係有氣香檳嚟嘅，味道幾好，唔算甜容易入口林，另外仲有麵包籃Sour dough，入口仲好溫粒粒，非常軟熟，食落有麥香味，
Cuttlefish Noodles：
呢道菜係墨魚然後切成麵條既型狀，色質晶瑩剔透，其做法令入口食落感覺更彈牙，而醬汁就用左喇沙打成泡沫，再加上大澳蝦亁及微酸柚子蓉，入口味道鹹香帶少辣，感覺有東南亞風味，非常開胃。
The Tartare：今次配搭用上半熟鵪鶉蛋、高貴Osicetra魚子醬，再以特製四川辣醬制作以成，感覺新穎，味道好香，將牛肉他他放上亞麻子脆片食，入口除左味味覺享受外，口感有層次。
Silver Pomfret：選用了銀䱽魚，肉質嫩滑，醬汁同了豆豉、日本甜豉油、牛油及蔥打成泡沫，入口細緻幼滑，味道豐富，加上蜆肉鋪面，味道更鮮，中法煮法好特別。
French Quail：呢道菜用左2個不同煮法以成，職員介紹先將鵪鶉去骨，用低溫慢煮鵪鶉，再用花雕酒烹調鵪鶉，肉質好淋，入口食到有少少酒香，另一個煮法係將髀位慢火炸，做到外脈內軟，加上法國黃酒同紅棗做醬汁酸酸甜甜，可解油膩感，伴碟既既椰菜仔食落都好入味。
Mango Sorbet n Yogurt Moose：乳酪慕絲入口軟綿綿，帶點煙韌感，而芒果雪芭味道好清新，配上貝殼小蛋糕，十分好食。
總結，整餐飯都屬於高質之作，主廚既功架心思，原來可以係擺盤及味道感受得到，餐廳知道我地2個女仔生日，仲請我地飲多左杯Welcome Wine，十分細心同貼心，下次一定要愛人再來食多次。
張貼
