玩具屋

營業中

休息中

入咗openrice 11年第1次寫食評。。。當晚(3/11)我和老公坐近門口位置，間餐廳好黑，我開了電話燈睇menu,睇了大約2－3分鐘，個串燒廚師好大聲叫我熄咗盞燈，大聲到全間餐廳嘅人都聽到，靜咗約2秒，應該大家都想睇我反應，最後我好合作及尷尬地關燈，事後我老公話我部新電話嘅電筒係比其他客人嘅電筒光強(其他客人都有開電筒睇餐牌)，可能佢覺得「殘」眼，但我真係無向住佢嘅角度用電話燈架，都係睇了2－3分鐘menu,全程向斜下方照menu,佢企喺度我坐喺度，佢可以搵侍應同我講吖。。。落單個女侍應幫隔離枱落完order就叫我哋落埋單，但我哋係最遲入座，佢應該唔想行多次，我老公就好合作地落單，但服務方面完全唔跟日本餐廳有嘅貼心😒食物味道ok,但我俾人大聲話完之後全程無心情食，俾錢買難受，無下次。