螢火

今日生日，老公請我去尖沙咀《螢火》食飯，老公知我鍾意食日本鐵板料理，靜雞雞book咗位，帶我過嚟食呢度嘅❤️廚師(精選)晚餐 $1,590/ 位，食物相當豐富，有沙律，前菜，主菜，甜品。🐟刺身三點，三點分別係赤蝦，帶子和鯛魚片，最鍾意食鯛魚片。🪿鵝肝多士，鵝肝味道濃郁，配埋多士食，柔軟同香脆嘅口感置於一身。🦞澳洲龍蝦，龍蝦一向都好好食，食得出隻龍蝦非常新鮮，鮮甜又彈牙。🦪南非鮑魚，呢隻鮑魚應該有一頭大，燒完之後，可以將佢切開幾件，每一啖食落去都係鮑魚鮮味，同埋大廚秘製醬汁令整個鮑魚味道更完美。🐂日本 A5和牛厚燒，對於鍾意食牛肉嘅我嚟講，厚燒日本和牛正呀，咬落去每一啖都係牛肉嘅滋味，油脂和肉汁喺後巷裏面打轉。一碟仲有四件，真係要慢慢咀嚼，品嚐佢嘅滋味。🍚櫻花蝦炒飯，雖然已經食到好飽，但佢哋嘅櫻花蝦炒飯同樣非常高水準，櫻花蝦嘅香味加上煎蛋嘅香味，令整個炒飯嘅味道昇華。